ඝාතනයට ලක් වූ ප්‍රසිද්ධ රගර් ක්‍රීඩක වසීම් තාජුඩීන්ගේ අතුරුදහන් වූ අස්ථි කොටස් සහ කලාවා කොටස් සම්බන්ධයෙන් සිදු කළ විමර්ශනයේදී අනාවරණය වූ ප...
ඝාතනයට ලක් වූ ප්‍රසිද්ධ රගර් ක්‍රීඩක වසීම් තාජුඩීන්ගේ අතුරුදහන් වූ අස්ථි කොටස් සහ කලාවා කොටස් සම්බන්ධයෙන් සිදු කළ විමර්ශනයේදී අනාවරණය වූ පරිදි මාලඹේ සයිටම් ආයතනයේ තිබී සොයා ගත් අස්ති කොටස් සහ කලවා කොටස් සම්බන්ධයෙන් බොරැල්ල ජින් ටෙක් ආයතනයේ සිදු කළ ඩී.එන්.ඒ පරීක්ෂාවේ වාර්තාව ලැබී ඇතැයි අපරාධ පරීක්ෂණ දෙපාර්තමේන්තුව අද (05) කොළඹ මහේස්ත්‍රාත් අධිකරණයට දන්වා ඇත.
මෙම අස්ථි කොටස් අස්ථාන ගතවීම සම්බන්ධයෙන් විමර්ශන පවත්වා එහි උදෘත ඉකුත් පෙබරවාරි මස 5 වැනිදා නිතිපතිවරයා වෙත උපදෙස් පතා යොමුකර ඇතැයිද අපරාධ පරීක්ෂණ දෙපාර්තමේන්තුව අද අධිකරණයේදී අනාවරණය කර තිබේ.
මේ අතර රගර් ක්‍රීඩක වසීම් තාජුඩීන් ඝාතන සිද්ධිය සම්බන්ධයෙන් තොරතුරු වසන් කිරීමේ සහ එහි පරීක්ෂණ වෙනතක යොමු කිරීමේ චෝදනාව මත අත්අඩංගුවට ගෙන සිටින හිටපු ජ්‍යෙෂ්ඨ නියෝජ්‍ය පොලිස්පති අනුර සේනානායක මහතා තවදුරටත් රක්ෂිත බන්ධනාගාරගත කර ඇත.
ලබන 18 වනදා දක්වා ඔහු තවදුරටත් රක්ෂිත බන්ධනාගාරගත කරන ලෙස කොළඹ මහේස්ත්‍රාත් අධිකරණයේ වැඩබලන නිල නොලත් මහේස්ත්‍රාත් නීතිඥ ප්‍රසාද් සිල්වා මහතා නියෝග කර තිබේ.
COMMENTS