ඉන්දියානු ධීවරයින් පිරිසක් ඉලක්ක කර ගනිමින් ශ්‍රී ලංකා නාවික හමුදාවට අයත් කුඩා බෝට්ටු වල සිටි නාවිකයන් විසින් ඊයේ (6) රාත්‍රියේ වෙඩි තබන ල...
ඉන්දියානු ධීවරයින් පිරිසක් ඉලක්ක කර ගනිමින් ශ්‍රී ලංකා නාවික හමුදාවට අයත් කුඩා බෝට්ටු වල සිටි නාවිකයන් විසින් ඊයේ (6) රාත්‍රියේ වෙඩි තබන ලදැයි මේ වනවිට ඉන්දියාවේ ප්‍රධාන මාධ්‍ය මගින් විශාල චෝදනාවක් දියත් කර ඇත.
කෙසේ වෙතත් එම චෝදනාව පදනම් විරහිත බව ශ්‍රී ලංකා නාවික හමුදාව විසින් තරයේ ප්‍රතික්ශේප කරමින් නිවේදනයක් නිකුත් කර ඇත.
අදාළ නිවේදනය පහත පිරිදිය.
ශ්‍රී ලංකා නාවික හමුදාව විසින් උතුරු මුහුදු ප්‍රදේශයේ මුර සංචාරක කටයුතු සඳහා යොදා ගනු ලබන්නේ වේග ප්‍රහාරක යාත්‍රා සහ වේග ප්‍රහාරක මුර යාත්‍රා වන අතර, කිසිදු අවස්ථාවක නාවික මුර සංචාරක රාජකාරී සඳහා කුඩා බෝට්ටු යොදා ගැනීමක් සිදු වන්නේ නැත.
එමෙන්ම, කිසිදු අවස්ථාවක නාවික හමුදාධිපතිතුමාගේ පූර්ණ අවසරයකින් තොරව, නාවික යාත්‍රාවල රාජකාරී කරන නාවික පුද්ගලයින් හට
මුර සංචාරක කටයුතු වල නිරත යාත්‍රාවන්ට ශ්‍රී ලංකා මුහුදු ප්‍රදේශය තුළ අනවසර ධීවර කටයුතු වල නිරත ට්‍රෝලර් යාත්‍රා අත්අඩංගුවට ගැනීමට පැහැදිලි උපදෙස් ලබා දී ඇති අතර, ඉන් අනතුරුව අත්අඩංගුවට ගත් පුද්ගලයින් සහ යාත්‍රා ඉදිරි නීතිමය කටයුතු සඳහා ධීවර කටයුතු පිළිබඳ නිසි බලධාරීන් වෙත භාර දීම සාමාන්‍ය ක්‍රමවේදයයි. මේ වන විට ඉන්දියානු ට්‍රෝලර් යාත්‍රා 146 ක් සහ ධීවරයින් 85 දෙනෙකු ශ්‍රී ලංකා මුහුදු සීමාවට ඇතුළු වී ධීවර කටයුතු වල නිරත වීම සම්බන්ධයෙන් අත්අඩංගුවට පත්වී ඇති අතර, ඔවුන් සම්බන්ධයෙන් නීතිමය කටයුතු සිදු වෙමින් පවතී.
මාර්තු මස 11 සහ 12 යන දෙදින පැවැත්වීමට නියමිත කච්චතිව් මංගල්‍ය වෙනුවෙන් මේ වන විට නාවික හමුදාව කටයුතු සම්පාදනය කරමින් සිටින අතර, නාවික මුර සංචාරක කටයුතු ද කච්චතිව් දූපත ආශ්‍රිත මුහුදු ප්‍රදේශය ඉලක්ක කර ගනිමින් සිදු කරනු ලබයි. පලවන වාර්තා අනුව ඉන්දියානු ධීවරයින් 5000 ක පිරිසක් සහ බෝට්ටු 150 ක් පමණ මෙවර කච්චතිව් මංගල්‍ය සඳහා සහභාගී වීමට නියමිතය.
ඒ අනුව, ඇතැම් මාධ්‍ය මගින් ප්‍රචාරය කරන පරිදි කිසියම් වෙඩි තැබීමේ සිද්ධියකට නාවික හමුදාව සම්බන්ධ බවට කෙරෙන වාර්තා නාවික හමුදාව විසින් තරයේ ප්‍රතික්ශේප කරනු ලබයි.
කෙසේ වුවද, වෙඩි තැබීමේ සිදුවීමක් සම්බන්ධයෙන් වාර්තා ඵලවීම හේතුවෙන් ශ්‍රී ලංකා නාවික හමුදාව මෙහි සත්‍ය, අසත්‍යතාව තහවුරු කර ගැනීම සඳහා විධිමත් පරීක්ෂණයක් පැවැත්වීමට පියවර ගෙන ඇත.
COMMENTS