දෙමළ ජාතික සන්ධානයේ පාර්ලිමේන්තු මන්ත්‍රී ශානකියන් රාසමානික්කම් මඩකලපුවේ බ්‍රැන්ඩික්ස් ඇඟලුම් කම්හලකට යාම තහනම් කර එසේ ගියහොත් ඔහුව අත්අඩ...
දෙමළ ජාතික සන්ධානයේ පාර්ලිමේන්තු මන්ත්‍රී ශානකියන් රාසමානික්කම් මඩකලපුවේ බ්‍රැන්ඩික්ස් ඇඟලුම් කම්හලකට යාම තහනම් කර එසේ ගියහොත් ඔහුව අත්අඩංගුවට ගන්නා බවට පොලිසිය තර්ජන එල්ල වී ඇති වාර්තා වේ. COVID-19 වෛරසය සම්ප්‍රේෂණය වීම වැළැක්වීම සඳහා නියම කර ඇති ඇති සෞඛ්‍ය මාර්ගෝපදේශ උල්ලංඝනය කරමින් කර්මාන්ත ශාලාව පවත්වාගෙන යන බවට ලැබුනු ආරංචියකට අනුව රාසමානික්කම් මහතා ඒ පිලිබදව කරුණු සෙවීමේ මෙහෙයුමක යෙදී සිට ඇත. මෙම කර්මාන්ත ශාලාවේ සේවය කරන ඇඟලුම් සේවකයින් 28 දෙනෙකුට COVID-19 වැලදී ඇති බවද පරීක්ෂණ මගින් තහවුරු වී තිබේ.
තමා කර්මාන්තශාලාව නැරඹීමට යාමට පෙර කලවන්චිකුඩි පොලිස් ස්ථානාධිපතිවරයා තම නිවසට පැමිණ, ඔහුට කර්මාන්තශාලාවට නොයන ලෙස අනතුරු අඟවා ඇති බවත් රසාමනිකාම් මහතා පැවසීය.
“පොලිසිය මගේ නිවසේ සිට කර්මාන්ත ශාලාවට මා පසුපස ගියේ ඇයිදැයි මම දන්නෙ නැහැ. මම මන්ත්‍රීවරයෙක් පමණයි. මා කර්මාන්ත ශාලාවට පැමිණෙන විට පොලිසිය සහ හමුදාව කර්මාන්තශාලා භූමියට යොදවා තිබීම දැක මං පුදුමයට පත් වුණා. මම යෙදී සිටියේ කරුණු සෙවීමේ මෙහෙයුමකයි. මඩකලපුවේ සිටින මගේ ජනතාවගේ ආරක්ෂාව පිළිබඳව මම සොයා බැලිය යුතුයි. ” රාසමානික්කම් මහතා මාධ්‍යයට පැවසීය.
-lankanewsweb
COMMENTS