නාමල්ලාගේ කොළඹ විරෝධය ඇයි? [හෙළිදරව්ව]

විශේෂ මහාධිකරණයට එරෙහිව විරෝධය දැක්වීමට 05 දා කොළඹට එන්නැයි නාමල් රාජපක්ෂ මන්ත්‍රීවරයාට හිතවත් මන්ත්‍රීවරුන් පිරිසක් ගෝඨාභය රාජපක්ෂගේ හා...

ඇමැති හරීන්ගේ ලේකම් පොහොට්ටුවට එක්වෙයි.

රාජපක්ෂලා, 2017 මුල් දිනයත් අවසන් දිනයත් FCID යේ.

බැඳුම්කරය වාර්තාව උසාවියට.

විශේෂ මහාධිකරණයට එරෙහිව විරෝධය දැක්වීමට 05 දා කොළඹට එන්නැයි නාමල් රාජපක්ෂ මන්ත්‍රීවරයාට හිතවත් මන්ත්‍රීවරුන් පිරිසක් ගෝඨාභය රාජපක්ෂගේ හා බැසිල් රාජපක්ෂගේ අනුගාමිකයින්ගෙන් ඉල්ලා ඇතැයි වාර්තාවේ.

ඒකාබද්ධයේ නාමල් රාජපක්ෂ පාර්ශවය විසින් සංවිධානය කිරීමට නියමිත එම විරෝධතාවයේ මුලික අරමුණ වී ඇත්තේ පසුගිය පාලන සමයේ සිදුවූ වංචා දුෂණ සම්බන්ධයෙන් නඩු විභාග කරන විනිසුරන්ට බලපෑම් කිරීම බව  මේ වන විට දේශපාලන විචාරකයින්ගේ අදහස වී තිබේ.

නඩු නිලධාරීන් බය කිරීමේ සුදානමක් !

විශේෂ මහාධිකරණයේ විභාගවීමට නියමිත නඩු හරහා කඩිනම් තීන්දු ලැබීමට නියමිත වීමත් විශේෂයෙන් රාජපක්ෂවරුන්ට හා ඔවුන්ගේ නිලධාරීන්ට එරෙහි නඩු සම්බන්ධ ජනතා අවධානය විකෘති කිරීමත් ඒ හරහා අධිකරණ විනිසුරුවරුන් ඇතුළුව නෛතික කටයුතු වල නිරතව සිටින නිලධාරීන් බියවැද්දීම සඳහා අනියම් බලපෑමක් සිදුකිරීම මේ පසුපස ඇති බවත් ඔවුන් පෙන්වා දෙයි.

ඊට හේතු ලෙස විචාරකයින් පෙන්වා දෙන්නේ මෙම නඩු විභාගවලදී තමන් යටතේ සිටි නිලධාරීන් තමන්ව පාවාදීමක් කරනු ඇතැයි නාමල් රාජපක්ෂ මන්ත්‍රීවරයා මෙන්ම රාජපක්ෂ පවුල දැඩි බියකින් පසුවීම සහ මෙතෙක් චෝදනා පමණක් ලෙස තිබුණු රාජපක්ෂවරුන් බලයේ සිටියදී රාජ්‍ය බලය අනිසි ලෙස යොදවා සිදුකළ හොර මැරකම් මෙන්ම බරපතළ මූල්‍ය වංචා දූෂණ අධිකරණය හමුවේ සාක්ෂි සහිතව අනාවරණයවීමේ අවධානමක් තිබීමය.

මේ අතර නාමල් රාජපක්ෂවාදියකු වන හිටපු ඇමති ජොන්ස්ටන් ප්‍රනාන්දු සතොස හොරා කෑමට එරෙහි නඩුව කුරුනෑගල මහාධිකරණයේ හෙට (03) අරම්භවීමට නියමිතය.

බැසිල් නැති නිසා ගෝඨාගෙන් මාධ්‍ය නිවේදනයක් !

එසේම නාමල් රාජපක්ෂ දේශපාලනිකව ඉහළට ඔසවා තැබීමේ මෙම කූට අරමුණද මේ පසුපස තිබෙන බව විචාරක මතය වී තිබේ. මේ වන විටත් රාජපක්ෂ පවුල තුළ දැඩි බල අරගලයක් පවතින අතර ගෝඨාභය රාජපක්ෂ සහ බැසිල් රාජපක්ෂ පාර්ශව දෙකක් ලෙස එකිනෙකා කුළල්කා ගනිමින් සිටියි. එය තවදුරටත් වර්ධනය වී ඇත්තේ මහින්ද රාජපක්ෂ තමාගෙන් පසුව ඒකාබද්ධ විපක්ෂයේ නායකත්වය සඳහා සිය සහෝදරයන් පවා නොතකා හැර නාමල් රාජපක්ෂව නායකත්වයට ගෙන ඒමට ප්‍රසිද්ධියේ කටයුතු කරමින් සිටීමය.

ඒ හේතුව නිසාම මෙම සැප්තැම්බර් 5 විරෝධය සඳහා බැසිල් රාජපක්ෂ සහභාගී නොවීමට දැනටමත් තීරණය කර ඇති බවද වාර්තා වෙයි. බැසිල් එම විරෝධය සඳහා එක්නොවන බව ඊයේ (01) මහින්ද රාජපක්ෂද ප්‍රසිද්ධියේ මාධ්‍ය හමුවේ සඳහන් කළ අතර ඒ  "එයාට මාස තුනක් හම්බෙලානේ.. එයා එන්නෙ නෑ" යනුවෙන් කියමින්ය.

චෝදනා ප්‍රබලයි : නාමල් නායකයා කිරීම පහසු නෑ : නුවර පාගමනත් විගඩමක් වුණා !

කෙසේ වුවත් බැසිල් රාජපක්ෂ සැප්තැම්බර් 5 විරෝධය වර්ජනය කළ බව තහවුරු කරගත් විට ගෝඨාභය රාජපක්ෂ නිවේදනයක් නිකුත් කරමින් විරෝධතාවට සහය පළකර ඇත්තේ බැසිල් පාර්ශවය ප්‍රසිද්ධියේ අපහසුතාවට පත්කර බැසිල්ගේ බලපෑමෙන් පසුගිය දිනවල දේශපාලනිකව කොන්කර තිබුණු තම විශ්‍රාමික හමුදා ජුන්ටාවේ පිරිස් යළි පෙරට ගැනීමට බවද ඒකාබද්ධ විපක්ෂයේ දේශපාලන ආරංචිමාර්ග සඳහන් කරයි.

කෙසේ වුවත් රාජ්‍ය බලය යොදවා සමාජ විරෝධී ආකාරයට නාමල් රාජපක්ෂ නීති උපාධිය ලබාගත් ආකාරයට හෝ ඉතා ඉක්මනින් කෝටිපතියකු වූ ආකාරයට නායකත්ව ප්‍රතිරූපය සකසා ගැනීම පහසු නොවන බව ඒකාබද්ධ විපක්ෂයේ සුළුපක්ෂ වල අදහස වී ඇත. එසේම ඔවුන් පෙන්වා දෙන්නේ  වංචා දූෂණ කටයුතු රැසක ප්‍රධාන චූදිතයකු වන නාමල් රාජපක්ෂට එම චෝදනා වලින් නිදහස්වීම පහසු කටයුත්තක් නොවන බවය.

විශේෂයෙන් නාමල් රාජපක්ෂ මන්ත්‍රීවරයාට එරෙහිව තිබෙන  මුදල් විශුද්ධිකරණ චෝදනා සහ අයතා ඉපයීම් සම්බන්ධ චෝදනා බරපතල බවත් ඔවුන් පෙන්වා දෙයි.