ජනාධිපතිවරයා සහ හිටපු ආරක්ෂක ලේකම්වරයා ඝාතන තැත සම්බන්ධයෙන් කරුණු හෙලි කල දුෂණ විරෝධී බලකායේ මෙහෙයුම් අධ්‍යක්ෂ නාමල් කුමාර අද තවත් හෙලිදරව...
ජනාධිපතිවරයා සහ හිටපු ආරක්ෂක ලේකම්වරයා ඝාතන තැත සම්බන්ධයෙන් කරුණු හෙලි කල දුෂණ විරෝධී බලකායේ මෙහෙයුම් අධ්‍යක්ෂ නාමල් කුමාර අද තවත් හෙලිදරව්වක් සිදු කළේය.
ඒ ඔහු විසින් පැය 07 කට ආසන්න කාලයක් අපරාධ පරික්ෂණ දෙපාර්තමේන්තුවට ඊයේ ලබා දුන් ප්‍රකාශය සහ හඩ පට කිහිපයක් සම්බන්ධයෙනි.
නාමල් කුමාර පවසන්නේ ඝාතන තැත සම්බන්ධයෙන් නම කියවෙන ත්‍රස්ත විමර්ශන කොට්ඨාශයේ හිටපු නියෝජ්‍ය පොලිස්පති නාලක ද සිල්වා මහතා තමන්ට තර්ජනය කල පැහැදිලි හඩ පටයක් ඊයේ අපරාධ පරික්ෂණ දෙපාර්තමේන්තුවට ලබා දුන් බවය.
නියෝජ්‍ය පොලිස්පතිවරයා තමන්ට එසේ තර්ජනය කිරිමට හේතුව සිංහලේ ජාතික සංවිධානයේ සභාපති ඩෑන් ප්‍රියසාද් බවටද නාමල් කුමාර චෝදනා කළේය.
ඔහු කියා සිටියේ මීට මාස කිහිපයකට ඉහත දි පිටකොටුවේ විරෝධතාවයක් අතරතුර තමන්ට සිංහලේ ජාතික සංවිධානයේ සභාපති ඩෑන් ප්‍රියසාද් මහතා හමුවු බවය.
එහිදි ත්‍රස්ත විමර්ශන කොට්ඨාශයෙන් තමන්ට එරෙහිව සිදුකෙරෙන විමර්ශණයකට මැදිහත් වන ලෙස ඩෑන් ප්‍රියසාද් ඉල්ලිමක් කල බව දුෂණ විරෝධි බලකායේ මෙහෙයුම් අධ්‍යක්ෂ නාමල් කුමාර ප්‍රකාශ කලේය.
එම අවස්ථාවේ නියෝජ්‍ය පොලිස්පති නාලක ද සිල්වා ඩෑන් ප්‍රියසාද් සම්බන්ධයෙන් තමන්ට පැවසු දුරකථන සංවාදයක් ඇසිමට සැලස්වු බවත් ඔහු කියා සිටියේය.
පසුව දුරකථන සංවාදය පිලිබදව ඩෑන් ප්‍රියසාද් නියෝජ්‍ය පොලිස්ති නාලක ද සිල්වා ට පැවසිමෙන් පසු තමන් සමග ඔහු වෛරයෙන් පසුවු බවද නාමල් කුමාර කියා ඇත.
මේ අතර තමන් විදෙස් ගතව සිටින ඩයස්පෝරාවේ පුද්ගලයින් සමග පැවත්වු සබදතා සම්බන්ධයෙන්ද අනාවරණය කර ඇත.
ඔහු කියා ඇත්තේ ඒ සියලූ සබදතා නාලක ද සිල්වාගේ උපදෙස් මත පවත්වාගෙන ගිය බවය.
එමෙන්ම මෙම ඝාතන තැත සම්බන්ධයෙන් සිදු කෙරෙන පරික්ෂණ පිලිබදව පොලිස් විශේෂ කාර්‍ය බලකාය භාර නියෝජ්‍ය පොලිස්පති එම්.ආර්. ලතීෆ්ගෙන් ද ඊයේ ප්‍රකාශයක් ලබාගෙන තිබේ.
මේ අතර පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා සදහන් කලේ ත්‍රස්ත විමර්ශන කොඨ්ඨාශය සතුව තිබු එල්.එන්.ජි.අවි ගිනිඅවි දෙකක් අතුරුදන් වු බවට පැවසෙන සිද්ධීය සම්බන්ධයෙන් විමර්ශනයක් සිදුකර ඇති අතර එහි සත්‍යතාවක් නොමැති බවය.
COMMENTS