එන්ටප්‍රයිස් ශ්‍රී ලංකා ප්‍රදර්ශනයේ අවසන් දිනය අදයි.

සංහිඳියාව, ප්‍රජාත්‍රන්තවාදය සහ සංවර්ධනය මුල් කරගත් ව්‍යවසායකයින් දිරි ගන්වන ''එන්ටර්ප්‍රයිස් ශ්‍රී ලංකා'' 2018 ජාතික ප්...

මෙලනියා අවසානයේ දරුවා සමග ධවල මන්දිරයට පැමිණෙයි

කුල ප්‍ර‍ශ්නය නිසා යාපනයේ ලේ හිඟයක්

27 හැවිරිදි බොලිවුඩ් නිළියකගේ මළ සිරුර නිවසින් හමුවේ

සංහිඳියාව, ප්‍රජාත්‍රන්තවාදය සහ සංවර්ධනය මුල් කරගත් ව්‍යවසායකයින් දිරි ගන්වන ''එන්ටර්ප්‍රයිස් ශ්‍රී ලංකා'' 2018 ජාතික ප්‍රදර්ශන මාලාවේ තෙවැනි හා අවසන් දිනය අද (30) මොණරාගලදී පැවැත් වේ.

පසුගිය 29 වැනිදා ඇරඹි මේ ප්‍රදර්ශනයට මුල් දින දෙකේදී අති විශාල ජනතාවක් ඇදී ආවේය.

තෙවැනි සහ අවසන් දිනය වන අද (30) ප්‍රදර්ශනය නිලවශයෙන් විවෘත කිරීම නිවාස හා ඉදිකිරීම් අමාත්‍ය සජිත් ප්‍රේමදාස මහතාගේ ප්‍රධානත්වයෙන් සිදු කිරීමට නියමිතය.

ප්‍රදර්ශනය විවෘතවන්නේ පෙරවරු 10.00 ටය.

ප්‍රදර්ශනය නිල වශයෙන් ආරම්භ කරනු ලැබුවේ අග්‍රාමාත්‍ය රනිල් වික්‍රමසිංහ මහතාගේ සහ මුදල් හා ජනමාධ්‍ය අමාත්‍ය මංගල සමරවීර මහතාගේ ප්‍රධානත්වයෙන් සහ මති ඇමැතිවරු, රාජ්‍ය නිලධාරීහු ඇතුළු සම්භාවනීය අමුත්තන්ගේ සහභාගීත්වයෙනි.

කලාප 12කින් සමන්විත මෙම ප්‍රදර්ශනයේ රාජ්‍ය මෙන්ම පෞද්ගලික අංශයේ කුටි 515කින් යුක්ත වේ. දැවැන්ත අධ්‍යපන කලාපයක් , ජනප්‍රිය ගායක ගායිකාවන් ගී ගයන සංගීත සංදර්ශන මෙන්ම කුඩා දරුවන්ට විනෝද වීම සඳහා විනෝද කලාපයකින්ද සමන්විතය.

2015 සිට 2018 දක්වා වූ රජයේ තුන්වසරක මෙහෙවර මෙන්ම වසර 2025 දක්වා වූ රජයේ ඉදිරි දැක්ම මෙම ප්‍රදර්ශනය තුළින් පෙන්නුම් කෙරේ. මෙම ප්‍රදර්ශන මාලාවේ ප්‍රධාන අරමුණ ව්‍යවසායකයන් දිරි ගැන්වීම වේ.