වත්මන් ජනපති අගමැති යටතේ හෝ වෙනත් දේශපාලන නායකත්වයක් යටතේ වුවද ක්‍රිකට් ක්‍රීඩාව ගොඩනැගීමට තමන් සූදානම් බව ඛණිජ තෙග් සම්පත් සංවර්ධන අමාත්‍...
වත්මන් ජනපති අගමැති යටතේ හෝ වෙනත් දේශපාලන නායකත්වයක් යටතේ වුවද ක්‍රිකට් ක්‍රීඩාව ගොඩනැගීමට තමන් සූදානම් බව ඛණිජ තෙග් සම්පත් සංවර්ධන අමාත්‍ය අර්ජුන රනතුංග මහතා පවසයි.
අමාත්‍යවරයා මේ බව පැවසූවේ ගම්පහ පැවති උත්සවයකින් අනතුරුව මාධ්‍ය වෙත අදහස් දක්වමිනි.
ඉදිරි ආණ්ඩුවක් පැමිණි අවස්ථාවක ක්‍රිකට් ක්‍රීඩාව ගොඩනගන බවද තමන් මාස 6 ක් තුළ එම කටයුත්ත සිදු කරන බවද පෙන්වා දුන් අමාත්‍යවරයා ක්‍රිකට් ක්‍රීඩාවේ විනාශයට ක්රීඩා අමාත්‍යවරුන් වගකිව යුතු බවද කියා සිටියේය.
තමා කිසි දිනෙක ක්රීඩා ඇමැතිකම බාර නොගන්නා බවත් නමුත් වෙනත් දේශපාලන නායකත්වයක් කිව්වොත් ක්‍රිකට් ගොඩනැගීමට තමා ඕනෑම වේලාවක සූදානම් බවත් කොහෙද යන අපත බලයක් නැති දේශපාලඥයින් ක්‍රිකට් විනාශ කර ඇති බවත් අමාත්‍යවරයා පැවසී ය.
කෙසේ වෙතත් පසුගිය මාසයේ පැවැති කැබිනට් මණ්ඩල රැස්වීමේදී ජනාධිපති මෛතී‍්‍රපාල සිරිසේන මහතා ඛනිජ තෙල් සම්පත් සංවර්ධන අමාත්‍ය අර්ජුන රණතුංග මහතාට දැඩිව ප්‍රකාශ කර තිබුණේ කී‍්‍රඩා අමාත්‍යාංශයේ වැඩකටයුතුවලට සම්බන්ධ නොවී තමන්ට පැවැරී ඇති රාජකාරි නිසි ලෙස ඉටු කරන ලෙසයි.
එම කැබිනට් මණ්ඩල රැස්වීමේදී ක්රීඩා ඇමැති ෆයිසර් මුස්තාෆා සහ ඛනිජ තෙල් සම්පත් සංවර්ධන ඇමැති අර්ජුන රණතුංග අතර කැබිනට් මණ්ඩලයේදී ඇතිවූ උණුසුම් තත්ත්වය හමුවේ ජනාධිපතිවරයා මේ බව සඳහන් කර තිබිණි.
එලෙස ප්‍රකාශ කර තිබියදී අමාත්‍යවරයා යළිත් ක්‍රිකට් ක්‍රීඩාව ගැනත් ක්රීඩා අමාත්‍යවරයා ගැනත් දැඩිව විවේචනය කරමින් ප්‍රකාශයක් නිකුත් කර තිබීමෙන් පෙනී යන්නේ ජනාධිපතිවරයා සිදු කර ඇති අවවාදය තුට්ටුවට මායිම් කර නොමැති බවයි.
COMMENTS