අනාරක්ෂිත වගා ළිංවලට බිලිවෙන ලංකාවේ අලි

මෙවැනි අනාරක්ෂිත වගා ළිංවලට බොහෝ විට බිලි වන්නේ කුඩා අලි පැටවුන්ය. තම පැටවා බේරාගැනීමට උත්සහකරන මවු ඇතින්නියන්ද වගා ළිංවලට වැටෙන අවස්ථ...

මෙවැනි අනාරක්ෂිත වගා ළිංවලට බොහෝ විට බිලි වන්නේ කුඩා අලි පැටවුන්ය. තම පැටවා බේරාගැනීමට උත්සහකරන මවු ඇතින්නියන්ද වගා ළිංවලට වැටෙන අවස්ථා තිබේ. රැලේ එකෙකු වැටුනනොත් ඌ බේරාගැනීමට රැලම පැමිණීම මිනිසුන්ගේ නොව අලින්ගේ පුරුද්දකි. එහෙයින් අනාරක්ෂිත වගා ළිං යනුද මෙරට අලි ගහනය අඩුවීමට බෙහෙවින්ම බලපාන ගැටලුවකි.

වගා ළිඳකට වැටුණු අවුරුදු දෙකේ අලි පැටියා

ගෙවී ගිය දිනදෙක තුළ එවැනි සිදුවීම් දෙකක්ම අප වෙත වාර්තා විය. එන පළමුවැන්න වාර්තා වූයේ සූරියවැව ප්‍රදේශයෙනි. සූරියවැව වැලිආර ප්‍රදේශයේ වගා ළිඳකට වැටී ඇතින්නක සහ අවුරුදු දෙකක් පමණ වූ අලි පැටවෙකු බේරා ගැනීමට වනජීවී නිලධාරීන් කටයුතු කර තිබේ.

vagalin 6

වැලිආර ප්‍රදේශයේ ඇතින්නක සහ පැටවෙකු වගා ළිඳකට වැටි සිටින බවට පසුගිය 18 වනදා සවස ලැබුණු තොරතුරකර අනුව ඇතින්න සහ පැටවා ගොඩට ගැනීම සඳහා හම්බන්තොට සහ මදුනාගල යන වනජීවී කාර්යාලවල නිලධාරින් එක්ව මෙහෙයුමක් ක්‍රියාත්මක කර අලි පැටවා සහ ඇතින්න ගොඩට ගැනීමට හැකි වී තිබේ.

ගොඩට ගත් ඇතින්න සහ පැටවා එම ප්‍රදේශයේම රක්ෂිත ප්‍රදේශයකට පලවා හැරීම සිදුකළ බව හම්බන්තොට වනජීවී කාර්යාලයේ අඩවි ආරක්ෂක විජයකුමාර මහතා කියා සිටියේය.

අනෙක් සිදුවීම වාර්තා වන්නේ අනුරාධපුරයෙනි. අනුරාධපුර කැකිරාව පොලිස් වසමේ කුඹුක්වැව ඩී - තුන වෙල්යායේ පිහිටි අනාරක්ෂිත වගා ළිඳකට වැටී ගොඩට ඒමට නොහැකිව සිටි කුඩා වන අලි පැටවකු ගොඩට ගෙන වනයට පළවා හැරීමට ගනේවල්පොල වනජීවි කාර්යාලයේ නිලධාරින් කටයුතු කර තිබේ.

වගා ළිඳට වැටුණු කෑම සොයාගෙන ගිය අලි පැටවා

කැකිරාව කුඹුක්වැව ඩී -තුන වෙල්යායේ පිහිටි අනාරක්ෂිත විශාල වගා ළිඳක වයස මාස 8-10 අතර වන අලි පැටවෙකු වැටී සිටින බවට ප්‍රදේශවාසීන් සිදුකළ දැනුම්දීම මත ගනේවල්පොල වනජීවී කාර්යාලයේ නිලධාරීන් සහ කැකිරාව පොලිසියේ නිලධාරීන් ප්‍රාදේශවාසීන් සමග පැමිණ පැය දෙකක පමණ මෙහෙයුමකින් අනතුරුව අලි පැටවා නිරුපද්‍රිතව ගොඩගනු ලැබීය.

vagalin 4

මෙහෙයුම සිදුකරන අවස්ථාවේ වනජීවී නිලධාරීන්ට ළිඳට වැටී සිටි අලි පැටියා අසල ගැවසුන මවු ඇතින්න පලවා හැරීම සඳහා මහත් වෙහෙසක් දැරීමට සිදු විය. පැටවා ගොඩට ගැනීමෙන් අනතුරුව ඇතින්න සහ පැටවා රත්මල් කන්ද වන රක්ෂිතයට පලවා හරිනු ලැබූහ. පැටවා හා මව කෑම සොයමින් යද්දී වගා ළිදට වැටෙන්නට ඇති බවට වනජීවි නිලධාරින් සැක පහල කරයි.

කෙසේ වුවද අලි ඇතුන් වගා ළිංවලට බිලිවන්නේ දිවයිනේ වියළි කලාපයේ වන අලින් ගැවසෙන ප්‍රදේශ ආශ්‍රිතව කණිනු ලබන අනාරක්ෂිත වගා ළිං තුළට වැටීමෙනි. වගා ලිඳක් යනු වළක් කපා ජලය ලබා ගැනීමයි. එම ළිං වටා ආරක්‍ෂිත වැටවල්, බැමි නැත. එහෙයින් කැලෑවල ඇවිද යන අලින් ඒවාට බිලිවීමේ සම්භාවිතාව වැඩිය. එහෙත් වගා ළිං වටා ආරක්ෂිත සිමෙන්ති බැම්මක් හෝ වැටක් බැඳීමෙන් මෙම විනාශයෙන් අලි ඇතුන් ආරක්ෂා කරගත හැකිවනු ඇත.

vagalin 5