ඊයේ පස්වරුවේ මහජන බැංකුවේ සාමාන්‍යාධිකාරීවරයා සමඟ පැවති සාකච්ජාවකින් අනතුරුව වැඩවර්ජනය අත්හිටුවීමට එම වෘත්තීය සමිති නායකත්වය තීරණය කර ඇත....
ඊයේ පස්වරුවේ මහජන බැංකුවේ සාමාන්‍යාධිකාරීවරයා සමඟ පැවති සාකච්ජාවකින් අනතුරුව වැඩවර්ජනය අත්හිටුවීමට එම වෘත්තීය සමිති නායකත්වය තීරණය කර ඇත. ඔවුන්ගේ ගැටලු පිළිබඳ සාකච්ජා කිරීම සඳහා බැංකුවේ අධ්‍යක්ෂ මණ්ඩලය සමඟ ඉදිරි දිනකදී සාකච්ජාවක් ලබා දෙන බවට සාමාන්‍යාධිකාරීවරයා එකඟතාව පළ කර ඇති අතර ඊට වෘත්තීය සමිති නියෝජිතයන් එකඟවීම මත වැඩවර්ජනය අත්හිටුවා තිබේ.
වැඩවර්ජනය අත්හිටුවීමට ගත් තීරණයෙන් පසු එම වෘත්තීය සමිතිය සමාජ ජාල ඔස්සේ ප්‍රචාරය කර තිබුණේ මහජන බැංකුවේ සභාපති හේමසිරි ප්‍රනාන්දු මහතා සමඟ පැවති සාකච්ජාවෙන් අනතුරුව සභාපතිවරයා ලබා දුන් ලිඛිත පොරොන්දුවක් මත වැඩවර්ජනය අත්හිටුවීමට තීරණය කළ බවයි. අප කළ සොයා බැලීමේදී අනාවරණ වූයේ වෘත්තීය සමිති නියෝජිතයන් සාකච්ජා කර ඇත්තේ සභාපතිවරයා සමඟ නොව සාමාන්‍යාධිකාරීවරයා සමඟ බවත් කිසිදු ලිඛිත පොරොන්දුවක් ඔවුන් වෙත ලබා දී නැති බවත්ය.
කෙසේ වෙතත් අද දින ක්රියාත්මක කිරීමට නියමිතව තිබූ මහජන බැංකුවේ සේවක වර්ජනයට ජාතික සේවක සංගමය, නිදහස් සේවක සංගමය, මහජන බැංකු නිළධාරී සංගමය සහ ලංකා බැංකු සේවක සංගමයේ ප‍්‍රගති පෙරමුණ සහය නොදක්වන බවත් සුපුරුදු පරිදි බැංකු කටයුතු සිදුවන බවට මහජන බැංකුව නිල නිවේදනයක්ද නිකුත් කර තිබුණි.
COMMENTS