මෙරටට නොයෙකුත් විදේශිකයෝ පැමිණෙන බවත් ඔවුන් අප රටේ කොළොම්පුරවරයට එක අඩියක් තබපු සැණින් අනික් පය කෙළින්ම තබන්නේ යාපනය ප‍්‍රදේශයට බවත් උතුරු...
මෙරටට නොයෙකුත් විදේශිකයෝ පැමිණෙන බවත් ඔවුන් අප රටේ කොළොම්පුරවරයට එක අඩියක් තබපු සැණින් අනික් පය කෙළින්ම තබන්නේ යාපනය ප‍්‍රදේශයට බවත් උතුරු පළාත් ආණ්ඩුකාර රෙජිනෝල්ඞ් කුරේ මහතා පවසයි.
“ඔවුන් යාපනයට ඇවිත් අප මුණගැහිලා ඔවුන් අපට ප‍්‍රජාතන්ත‍්‍රවාදය දෙන හැටි, මානව හිමිකම් දෙනහැටි, මානව උරුමකම් ලබාදෙන හැටි එයට ගතයුතු පිළිවෙත දර්ශනය, අපට උගන්වනවා. “ යැයිද උතුරු පළාත් ආණ්ඩුකාරවරයා සඳහන් කළේය.
ඔහු මේ බව පැවසූවේ කෝට්ටේ රාජමහා විහාරස්ථානයේදී පැවැති උත්සවයකදීය.
එහිදී අදහස් දැක්වූ උතුරු පළාත් ආණ්ඩුකාරවරයා,
“දැන් මේ බුදුදහම ලෝකයේ බොහෝ තැන් වල ප‍්‍රචලිත වෙමින්, ව්‍යාප්ත වෙමින්, තිබුණත් අපේම රටේ සමහර ප‍්‍රදේශවලට ඒක තවමත් ව්‍යාප්ත වෙලා නැහැ. කොරියාවේ, ජපානයේ, යුරෝපයේත් ව්‍යාප්ත වෙලා. නමුත් අපේම රටේ යාපනය අර්ධ ද්වීපයට මෙම බුදුදහමේ ව්‍යාප්තිය, ප‍්‍රචලිත වීම ඉතාමත් මන්දගාමී කියා මම හිතනවා. ඒ ප‍්‍රදේශයේ ජනතාව දේශගුණයෙන්, දේශපාලනයෙන්, කුල භේදයෙන්, වර්ග වාදයෙන් පීඩා විඳිනවා. කුල භේදයට සැබෑ පිළිතුර දුන්නේ බුදුන්වහන්සේයි. බුදුන්වහන්සේ තමයි ලෝකයේ පහල වුණු ප‍්‍රථම සමාජවාදියා. ජාත්‍යාන්තරවාදියා. මානවහිතවාදියා. පරිසරවේදියා. මේ සියලූම කුල මල ජාති ආගම් බේදවලින් මෙහි තිබුණු විශ්වාන්තරවාදයක දර්ශනයක්.
අද අප රටට නොයෙකුත් විදේශිකයෝ එනවා. ඔවුන් අප රටේ කොළොම්පුරවරයට එක අඩියක් තබපු ගමන් අනික් පය කෙළින්ම තබන්නේ යාපනය ප‍්‍රදේශයට. ඔවුන් යාපනයට ඇවිත් අප මුණගැහිලා ඔවුන් අපට ප‍්‍රජාතන්ත‍්‍රවාදය දෙන හැටි, මානව හිමිකම් දෙනහැටි, මානව උරුමකම් ලබාදෙන හැටි එයට ගතයුතු පිළිවෙත දර්ශනය, අපට උගන්වනවා. හැබැයි මා දන්නා පරිදි ඔවුන්ට නැවත බුදුදහමේ දර්ශනය කියලා දුන්නාම ඔවුන් නිරුත්තර වෙනවා සහ ඔවුන් ලැජ්ජාවට පත් වෙනවා. ඒ නිසා බුදු දහම බුදුන් වහන්සේගේ දර්ශනය මේ රටේ අනාගතය විතරක් නෙවේ.“ යැයිද ඔහු වැඩිදුරටත් පැවසී ය.
COMMENTS