එක්සත් ජාතික නිදහස් පෙරමුණ හා ජාතික ජනතා පක්ෂය අතර පසුගියදා ගිවිසුමක් අත්සන් කරනු ලැබීය. ඒ අනුව එක්සත් ජාතික නිදහස් පෙරමුණ වෙනුවෙන් එහි ...
එක්සත් ජාතික නිදහස් පෙරමුණ හා ජාතික ජනතා පක්ෂය අතර පසුගියදා ගිවිසුමක් අත්සන් කරනු ලැබීය.
ඒ අනුව එක්සත් ජාතික නිදහස් පෙරමුණ වෙනුවෙන් එහි ප‍්‍රධාන ලේකම් නීතිඥ මෛතී‍්‍ර ගුණරත්න මහතා හා ජාතික ජනතා පක්ෂය වෙනුවෙන් එහි මහ ලේකම් හා නායක ජානාධිපති නීතීඥ ශී‍්‍රනාත් පෙරේරා මහතා අතර එම ගිවිසුම අත්සන් තබන ලදී.
එම අවස්ථාවට එක්වෙමින් අදහස් දැක්වු ශී‍්‍රනාත් පෙරේරා මහතා,
“අපි හැමදාම දූෂනයට වංචාවට විරුද්ධ පක්‍ෂයක්. අපි විශ්වාස කරා මේ රටේ දූෂණයට වංචාවට විරුද්ධ නායකයෙක් කියල රනිල් වික‍්‍රමසිංහ මහතා, නමුත් පසුගිය කාලයේ සිද්ධ වුනු මහබැංකු බැඳුම්කර ගණුදෙනුවත් එක්ක අපිට ඒ තිබුනු විශ්වාසය සම්පූර්ණයෙන් නැතිවුනා. එතුමා සමහර විට මේ හොරකමට සම්බන්ධ නැතුව ඇති. නමුත් එතුමා මේ හොරකමට සම්බන්ධ අය ආරක්‍ෂා කරන්න කටයුතු කරා කියන එක මේ රටේ හැමෝම දැක්කා. ඒ නිසා අපිට එතුමා කෙරෙහි තිබුන විශ්වාසය බිඳවැටුනා අද වෙනකොට මේ ආණ්ඩුවේ ජනතාව බලාපොරොත්තු වුනු යහපාලනය කි‍්‍රයාත්මක වෙන්නේ නැහැ. ජනතා අපේක්‍ෂා බිද වැටිලා මේ හිඩස පුරවන්න මෛතී‍්‍ර ගුණරත්න මැතිතුමා නිර්මාණය කල එක්සත් ජාතික නිදහස් පෙරමුණ සමග සන්ධාන ගත වෙන්න අපි තීරණය කලා. විශේෂයෙන් කොළඹ මහ නගර සභාව ඉලක්ක කරගෙන අද සිට අපේ සටන ආරම්භ කරනවා.” යනුවෙන් ඒ මහතා කියා සිටියේය.
මෙහිදී අදහස් දැක්වු එක්සත් ජාතික නිදහස් පෙරමුණේ මහ ලේකම් මෛතී‍්‍ර ගුණරත්න මහතා අදහස් දක්වමින් කියා සිටියේ “මේ රටේ ලොකු හිඩසක් තියනවා, ඒ දුෂණයට වංචාවට විරුද්ධව දේශපාලන ව්‍යාපාරයක අවශ්‍යතාව. ඒක තේරුම් අරගෙන තමයි අපි මේ පක්ෂය නිර්මාණය කලේ. මේ රටේ දූෂණය වංචාව රජවෙලා. ඒ තත්වය වෙනස් කරන්න කවුරු හෝ මේ සටන අතට ගන්න ඕනේ. ඒ ජාතික වගකීම තමයි අපි මේ ඉටුකරමින් ඉන්නේ.
මේ මැතිවරණය ඉතා තීරණාත්මක මැතිවරණයක්. මොකද එහෙම කියන්නේ අද එක පිරිසක් ජාතිවාදය අවුස්සමින් මැතිවරණය කරනවා. තවත් පිරිසක් හොරකම සාධාරණිය කරගන්න මැතිවරණයේ ජනවරමක් ඉල්ලනවා. ජනතාව මෙය හොදින් තේරුම් ගන්න ඕන. පසුගියදා විග්නේශ්වරම් මහත්මයා පිටරට ඉන්න බෙදුම්වාදී මත දරණ මහාචාර්ය වරයෙක් ගෙනත් මැතිවරණ කොමසාරිස්ගේ තහනම පවා නොතකා රැස්වීමක් කරා. අපි අහනවා මේකට මොකද මැතිවරණ කොමසාරිස් කරන්නේ කියලා. ඒ වගේම බදුයිදීන් ඇමතිවරයා කැලෑ කපනවා, තමන්ගේ හිතවාදීන්ට ඉඩම් බෙදනවා, වනාන්තර විනාශ කරනවා. විගණන වාර්ථාවකුත් මේ ගැන නිකුත් කරල තියනවා. අපි ජනාධිපති තුමාට කියනවා ඉතා ඉක්මනින් කොමිෂන් එකක් පත් කරලා හොයා බලන්න කියලා.” යැයිද මෛතී‍්‍ර ගුණරත්න මහතා වැඩිදුරටත් පැවසී ය.
COMMENTS