මිලියන 185 ක වියදමින් නව පිළිකා සහ ශ්‍රවණාබාධ රෝග ප්‍රතිකාර මධ්‍යස්ථානයක්

ඩයලොග් ආයතනය සහ කොළඹ රොටරි සමාජය ඒකාබද්ධව මෙම මධ්‍යස්ථානය ඉදිකරන අතර, ඒ සදහා වැය කරන මුදල රුපියල් මිලියන 185 කි.   සෞඛ්‍ය අමාත්‍යාංශය ව...

ඩයලොග් ආයතනය සහ කොළඹ රොටරි සමාජය ඒකාබද්ධව මෙම මධ්‍යස්ථානය ඉදිකරන අතර, ඒ සදහා වැය කරන මුදල රුපියල් මිලියන 185 කි.

 

සෞඛ්‍ය අමාත්‍යාංශය වෙනුවෙන් අමාත්‍යාංශයේ ලේකම් ජනක සුගතදාස මහතා සහ ඩයලොග් ආයතනය වෙනුවෙන් එම ආයතනයේ ප්‍රධාන විධායක නිලධාරී සුපුන් වීරසිංහ මහතා ගිවිසුමට අත්සන් කරන ලදි.

 

මෙහිදී අදහස් දැක් වූ සෞඛ්‍ය අමාත්‍යවරයා,

 

'මෙම ව්‍යාපෘතිය 2004 වසරේ සිට ආරම්භ කිරීමට සැළසුම් කර තිබුනත් වසර 13 ක කාලයක් එය ප්‍රමාද වුනා. ඒ සඳහා විවිධ හේතු බලපෑවා. නමුත් ඩයලොග් ආයතනය සමග රොටරි සමාජය ඒකාබද්ධව එම ගොඩනැගිල්ල උපකරණ සහිතව ලබාදීමට ඉදිරිපත්ව සිටිනවා. ඉඩම පිළිබඳව ගැටලු තිබුනා, ඒවා පසුව විසඳගත්තා. ඩයලොග් ආයතනයෙන් 2018 වසරේදී සෞඛ්‍ය සේවාවට තවත් ආධාර ලැබෙයි කියා මා බලාපොරොත්තු වෙනවා. බුදුරජාණන් වහන්සේ ද දේශණා කර ඇත්තේ -ආරෝග්‍යා පරමා ලාභා- කියලා. මෙය පුණ්‍ය කටයුත්තක්.'

 

මෙම අවස්ථාවට කොළඹ රොටරි සමාජයේ අධිපති පුජ්‍ය බඳගිරියේ සෝමවංශ නාහිමි, සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා, සහ ඩයලොග් ආයතනයේ සියලුම නිලධාරීන් ද එක්ව සිටියහ.