ශ්‍රීලනිපයේ හිටපු පළාත් පාලන මන්ත්‍රීවරුන්ගේ 90% කට වැඩි පිරිසක් ශ්‍රීලංකා පොදුජන පෙරමුණට එක්ව ඇති බවයි රණතුංග මහතා පවසන්නේ. ඒකාබද්ධ...
ශ්‍රීලනිපයේ හිටපු පළාත් පාලන මන්ත්‍රීවරුන්ගේ 90% කට වැඩි පිරිසක් ශ්‍රීලංකා පොදුජන පෙරමුණට එක්ව ඇති බවයි රණතුංග මහතා පවසන්නේ.
ඒකාබද්ධ විපක්ෂය ආණ්ඩු විරෝධී ප්‍රතිපත්තියක සිට ක්‍රියා කරන බැවින් මැතිවරණයේදී ආණ්ඩුව නියෝජනය කරන කණ්ඩායමක් සමග එක්ව තරග කිරීමට තිබෙන අවස්ථාව අවම බව ප්‍රසන්න රණතුංග මහතා ප්‍රකාශ කරයි. මැතිවරණයට එක්ව තරග කොට නැවත ආණ්ඩුවට එරෙහිව සටන් පාඨ කියමින් ජනතාව ඉදිරියට යාමට නොහැකි බවත් එය මහජන මතයට කරන වංචාවක් බවත් මන්ත්‍රීවරයා පෙන්වා දෙයි.
ලබන ජනවාරි මාසයේදී පළාත් පාලන මැතිවරණය පැවැත්වීමට රජය අපේක්ෂාවෙන් සිටින අතර ශ්‍රීලංකා පෙදුජන පෙරමුණ මේ වනවිට හිටපු ශ්‍රීලනිප පළාත් පාලන මන්ත්‍රීවරුන් තම පක්ෂයට බිලී බා ගැනීම සඳහා විශාල මෙහෙයුමක් දියත් කරමින් සිටී. දිවයින පුරා සියලු පළාත් පාලන ආයතන සඳහා නාමයෝජනා ඉදිරිපත් කරන බව එම පක්ෂය ප්‍රකාශ කරයි.
ආශිකා බ්‍රාහ්මණ
COMMENTS