ඒ මීට වසර 07කට ඉහත දී රට තුළ මානව හිමිකම් උල්ලංඝනය වන ලද බව පවසමින් අත්හිටුවන ලද GSP+ තීරු බදු සහනය පසුගිය 19 වන දා සිට යළිත් ලංකාවට ප්‍රද...
මානව හිමිකම් උල්ලංඝනය කිරීම නිසා බදු සහනය අත්හිටවූ පළමු රට වන්නේ ද ශ්‍රී ලංකාවයි. යුරෝපා සංගමය පවසන්නේ වත්මන් ආණ්ඩුවේ පාලනය යටතේත් වධහිංසා පැමිණවීම සිදු වන බවයි. එහි දී අදහස් දක්වමින් ලංකාවේ යුරෝපා සංගම් දූත මණ්ඩලයේ ප්‍රධානී තානාපති ටුන් ලායි මාර්ගු පවසා සිටියේ බරපතළ ගැටලු කිහිපයක් සඳහා මේ වන තෙක්ම විසඳුම් ලැබී නොමැති බවයි. එසේම බලහත්කාරයෙන් සිදු කරන ළමා විවාහ, ලංකා සමාජයේ ඇතැම් කොටස්වලට එරෙහිව ක්රියාත්මක වන නීති ඇති බව ද හෙතෙම පැවසුවේය.
එසේම මෙම මාධ්‍ය හමුවට සහභාගී වූ යුරෝපා සංගමයේ වෙළෙඳ කොමසාරිස් සිසිලියා මාම්ස්ට්‍රොම් මෙම පුරුදු වහාම අත්හිටුවන ලෙස රජයෙන් ඉල්ලා සිටියේය.
එම මාධ්‍ය හමුවේ දී අදහස් දක්වමින් යුරෝපා සංගමයේ නියෝජිතයන් පවසා සිටියේ ආරක්ෂක අංශ සාමාජිකයන් හෝ වෙනත් පුද්ගලයන් හෝ මානව හිමිකම් උල්ලංඝනය කරන්නේ නම් රජය ඊට එරෙහිව පියවර ගනු ඇතැයි තමන් අපේක්ෂා කරන බවයි. එසේම ඔවුන් පවසන්නේ සැබෑ සංහිඳියාවක් උදාකර ගැනීමට තවත් කළ යුතු බොහෝ දෑ ඇති බව සහ ඒ සම්බන්ධව තමන් අධීක්ෂණය කරන බවයි.
යුද අපරාධ සම්බන්ධයෙන් චෝදනා ලබා ඇති ආරක්ෂක හමුදා සාමාජිකයන්ට එරෙහිව පියවර නොගන්නා බවට ජනාධිපති ඇතුළු ආණ්ඩුවේ ප්‍රධානීන් කරන ලද ප්‍රකාශ සම්බන්ධයෙන් මෙහි දී මාධ්‍යවේදීන් යුරෝපා සංගම් නියෝජිතයන්ගේ අවධානය යොමු කළේය.
යුද්ධයේ දී සිදු වූ අපරාධ සම්බන්ධයෙන් ගන්නා පියවර පිළිබඳව රජය මිශ්‍ර පණිවුඩ යවන බවට ශ්‍රී ලංකා දූත මණ්ඩල දේශපාලන අංශ ප්‍රධානී පෝල් ගොඞ්ෆ්‍රී චෝදනා කළේය. ඔහු පවසා සිටියේ එක්සත් ජාතීන්ගේ මානව හිමිකම් මණ්ඩලය හමුවේ ලබා දුන් පොරොන්දු ඉටු කිරීමට ආණ්ඩුව බැඳී සිටින බවයි.
ප්‍රදීපා වීරසේකර - සත්හඬ
COMMENTS