කැළණි ගඟේ ජල මට්ටම ඉහළට පවුල් ඉවත් කිරීම ඇරඹේ දැනට මියගිය පිරිස 100 කට ආසන්නයි මීට හරියටම වසරකට පෙර සිදුවූ ආකාරයට කැලණි ගඟ අවට ගංවතුර ...
කැළණි ගඟේ ජල මට්ටම ඉහළට
පවුල් ඉවත් කිරීම ඇරඹේ
දැනට මියගිය පිරිස 100 කට ආසන්නයි
මීට හරියටම වසරකට පෙර සිදුවූ ආකාරයට කැලණි ගඟ අවට ගංවතුර තත්වය යළි උදාවන තත්වයක් අද (26) සවස වන විට උද්ගතව ඇත. කැළණි ගඟ ආසන්නයේ ජීවත්වන ජනතාව කඩිනමින් අදාළ ස්ථාන වලින් ඉවත් විය යුතු බව කොළඹ දිස්ත්‍රික් ලේකම් කාර්යාලය විසින් නිල වශයෙන් දැනුම්දී තිබේ.
සවස 3 වනවිට පවුල් 2000ක් පමණ කැළණි ගං මිටියාවතෙන් ඉවත් කිරීමට
කටයුතු කළ
කැළණි ගඟේ ජල මට්ටම ඉහළ යාමත් සමඟ පහත්බිම් ක්‍රමයෙන් ජලයෙන් යට වෙමින් පවතියි. හංවැල්ල, රණාල කළුඅග්ගල ප්‍රදේශ මේ වනවිට ජලයෙන් යටවෙමින් පවතින බවද වාර්තාවේ.
ඉදිරියේදී පහත්බිම්වල ගං වතුර තත්ත්වය ඉහළ යාහාකි බැවින් එම ප්‍රදේශවල ජීවත්වන ජනතාව අවධානයෙන් පසුවන ලෙස බලධාරීන් ජනතාවගෙන් ඉල්ලා සිටියි
ලෝ ලෙවෙල් මාර්ගය වෙනුවට විකල්ප මාර්ග භාවිත කරන ලෙසද පොලීසිය රියදුරන්ගෙන් ඉල්ලා සිටියි.
-----
අයහපත් කාලගුණ තත්ත්වය හේතුවෙන් පුද්ගලයන් 81 දෙනෙකු මිය ගොස් තවත් 100කට වැඩි පිරිසක් අතුරුදන් වී ඇති බව නිල වශයෙන් වාර්තාවී ඇතිි නමුත් එම මියගිය පිරිස 100 ඉක්මවා ඇති බව නිල නොවන ආරංචි හෙළි කරයි.
මාතර, ගාල්ල, කළුතර, රත්නපුර, හම්බන්තොට, ගම්පහ සහ කොළඹ යන දිස්ත්‍රික්කවලට මෙලෙස අයහපත් කලගුණයෙන් බලපෑම් එල්ල වී ඇති ප්‍රධාන දිස්ත්‍රික්ක වන අතර මියගිය පිරිස වැඩිම රත්නපුර හා කළුතර බවද වාර්තාවේ.
COMMENTS