එම පිරිස් සරත් අමුණුගම මහතා හමුවී එම පනත ගෙන ඒම සඳහා දැන්ම කලබල විය යුතු නැති බවත් අතීතයට බලපවත්වන පරිදි එය නොගෙන ආ යුතු බවටත් කරුණු කරණා...
එම පිරිස් සරත් අමුණුගම මහතා හමුවී එම පනත ගෙන ඒම සඳහා දැන්ම කලබල විය යුතු නැති බවත් අතීතයට බලපවත්වන පරිදි එය නොගෙන ආ යුතු බවටත් කරුණු කරණා රැසක් පවසා ඇත. ඒ අතර පසුගිය රාජපක්ෂ ආණ්ඩුවේ ද ප්‍රබල ඇමැතිකම් දැරූ දෙදෙනෙක් සිටින බවටත් තොරතුරු වාර්තා වේ.
කෙසේ නමුත් සරත් අමුණුගම මහතා පවසන්නේ රාජ්‍ය දේපළ අවභාවිත කර ඇති දේශපාලකයන් සම්බන්ධයෙන් නීතිය ක්රියාත්මක වුව ද එම කොල්ල කෑ දේපළ සහ ධනය යළි අත්පත් කර ගැනීම සඳහා නීතියක් නොතිබූ බැවින්, අපරාධ විනිශ්චය කොමිෂන් සභා නම් පනතක් පාර්ලිමේන්තුවට ඉදිරිපත් කරන බවය.
මේ සම්බන්ධයෙන් පසුගිය දා පැවැති උත්සවයක දී,
“නොරොච්චෝලෙන් ගැහුවේ කවුද, හම්බන්තොට වරායෙන් ගැහුවේ කවුද, මත්තලින් ගැහුවේ කවුද යන්න ජනතාව හොඳින් දන්නවා” යැයි පැවසූ ඇමැතිවරයා, “කෝටි ප්‍රකෝටි ගණන් කොමිස් මුදල් ගහලා, විශාල මුදලක් අයථා අයුරින් වංචා කළ අය අද රජයේ ආයතන ආරක්ෂා කිරීම පිළිබඳව කථා කරනවා. රජයේ සම්පත් වංචා කළ එවැනි පිරිස් රාජ්‍ය සම්පත් සුරක්ෂිත කරන්නැයි ඉල්ලා සිටීම, පන්සලේ පිං කැටය සොරකම් කළ අය බුදු මැදුර හදන්න කතා කරනවා වගේ.” යනුවෙන් වැඩිදුරටත් පැවසීය.
මේ අතර අපරාධ විනිශ්චය කොමිෂන් සභා පනත පිළිබඳ යෝජනාව කැබිනට් මණ්ඩලය අනුමත කර ඇති බවත් වාර්තා වේ.
ඩී. මංජුල කුමාර
COMMENTS