ශී‍්‍ර ලංකාව තුළ අද සිදුවෙමින් තිබෙන පරිවර්තනය පිළිබ තමා ඉතා සතුටුවන බව ප‍්‍රකාශ කරන රුසියානු ජනාධිපති ව්ලැඩ්මියර් පුටින් මහතා ශී‍්‍ර ලංකා...
ශී‍්‍ර ලංකාව තුළ අද සිදුවෙමින් තිබෙන පරිවර්තනය පිළිබ තමා ඉතා සතුටුවන බව ප‍්‍රකාශ කරන රුසියානු ජනාධිපති ව්ලැඩ්මියර් පුටින් මහතා ශී‍්‍ර ලංකාවට අවශ්‍ය ඕනෑම සහයක් ලබාදීමට සූදානම් බවට ජනපති මෛතී‍්‍රපාල සිරිසේන මහතා හමුවේ සහතික වෙයි.
බි‍්‍රක්ස් - බිම්ස්ටෙක් සමගාමී සමුළුවට සහභාගීවීමට ඉන්දියාවේ ගෝවා නගරයට ගොස් සිටින ජනාධිපති මෛතී‍්‍රපාල සිරිසේන මහතා සහ රුසියානු ජනාධිපති ව්ලැඩ්මියර් පුටින් මහතා අතර විශේෂ හමුවක් ඊයේ (16) රාති‍්‍රයේ පැවැත්වුණු අතර එහිදී රුසියානු ජනාධිපතිවරයා මේ බව සඳහන් කර ඇතැයි ජනාධිපති මාධ්‍ය අංශය පැවසී ය.
ජනාධිපති මෛතී‍්‍රපාල සිරිසේන මහතා ඉතා උණුසුම් ලෙස පිළිගත් රුසියානු ජනාධිපතිවරයා ජනාධිපතිවරයා වෙත සිය සුබපැතුම් පිරිනැමීය.
එක්සත් ජාතින්ගේ මානව හිමිකම් කොමිෂන් සභාව හමුවේ රුසියාව ශී‍්‍ර ලංකාවට දැක්වූ කොන්දේසි විරහිත සහය වෙනුවෙන් මෙහිදී සිය ස්තූතිය පළ කළ ජනාධිපතිවරයා එම මිත‍්‍රශීලි සබඳතාවයන් තවදුරටත් වර්ධනය කර ගැනීමට කටයුතු කරන බව ද කියා සිටියේය.
මේ අතර චීන ජනාධිපති ෂි ජිං පිංග් මහතා සහ ජනාධිපති මෛතී‍්‍රපාල සිරිසේන මහතා අතර හමුවක් ද ඊයේ (16) රාති‍්‍රයේ සිදු විය.
මිත‍්‍රශීලි රාජ්‍යයන් ලෙස දෙරටේ සමීප සබඳතා තවදුරටත් ඉහළ නංවා ගැනීම පිළිබඳ මෙහිදී රාජ්‍ය නායක දෙපළ සාකච්ඡා කළ අතර චීන- ශ‍්‍ර‍්‍රී ලංකා මිත‍්‍රත්වයට වසර 60 ක් සපිරීම නිමිත්තෙන් පැවැත්වීමට නියමිත උත්සවයේ සංවිධාන කටයුතු පිළිබඳව ද සාකච්ඡා කළහ.
ශී‍්‍ර ලංකාවේ වේගයෙන් ව්‍යාප්තවන වකුගඩු රෝගය නිවාරණය වෙනුවෙන් චීන රජය දක්වන සහය අගය කළ ජනාධිපති මෛතී‍්‍රපාල සිරිසේන මහතා චීන - ශී‍්‍ර ලංකා මිත‍්‍රත්වයට වසර 60 ක් පිරීම නිමිත්තෙන් පැවැත්වෙන උත්සවයේ දී ශී‍්‍ර ලංකාවේ වකුගඩු රෝග නිවාරණය වෙනුවෙන් විශේෂ වැඩසටහන් රැසක් කි‍්‍රයාවට නැංවීමට ද චීන ජනාධිපතිවරයා සමග සාකච්ඡා කළේය.
මොරගහකන්ද සංවර්ධන ව්‍යාපෘතිය වෙනුවෙන් චීන රජය දක්වන දායකත්වය අගය කළ ජනාධිපතිවරයා ශී‍්‍ර ලංකාවේ උපාය මාර්ගික සංවර්ධන කටයුතුවලට චින රජයේ ආධාර යටතේ කි‍්‍රයාත්මකවන සංවර්ධන ව්‍යාපෘති මහත් ශක්තියක් බවද කියා සිටියේය.
දෙරට අතර ආනයන, අපනයන කටයුතු තවදුරටත් පුළුල් කර ගැනීම පිළිබඳව ද චීන - ශී‍්‍ර ලංකා නායකයින් දීර්ඝ වශයෙන් සාකච්ඡා කළ බව ජනාධිපති මාධ්‍ය අංශය වැඩිදුරටත් පැවසීය.
COMMENTS