තිරුකුමාර් නඩේසන්ට ඇප - රට යාම තහනම්

නිරූපමා රාජපක්ෂ මහත්මියගේ සැමියා වන තිරු කුමාර් නඩේසන් මහතා මුදල් හා ශරීර ඇප මත නිදහස් කොට තිබේ. ඒ, පුගොඩ මහේස්ත්‍රාත් ඩී.ඒ රුවන්පතිර...

නිරූපමා රාජපක්ෂ මහත්මියගේ සැමියා වන තිරු කුමාර් නඩේසන් මහතා මුදල් හා ශරීර ඇප මත නිදහස් කොට තිබේ.

ඒ, පුගොඩ මහේස්ත්‍රාත් ඩී.ඒ රුවන්පතිරණ මහතාගේ නියෝගයකට අනුවයි.

තිරු කුමාර් මහතාගේ විදෙස් ගමන් බලපත්‍රය තහනම් කළ මහේස්ත්‍රාත්වරයා රුපියල් 5,000ක මුදල් ඇපයක් ද රුපියල් දස ලක්ෂය බැගින් වු ශරිර ඇප 02ක් ද මත ඔහු මුදාහැරීමට නියෝග කර තිබේ.

මල්වාන ගඟබඩ, මාපිටිගම අක්කර 16 ක ඉඩමක් 2010 නොවැම්බර 25 වැනි දින රුපියල් හය කෝටි හතළිස් ලක්ෂයකට මිලට ගෙන ඇතත් මුදල් ලැබුණු ආකාරය හෙළි කිරිමට අපොසත් වී යැයි නඩේසන් මහතාට එරෙහිව නඩු පවරන බව මුල්‍ය අපරාධ විමර්ශන අංශය අධිකරණයට දැන්වීය.

සේනාධිර අප්පුහාමිලාගේ සේනාධිර නම් දේශිය වෛද්‍යවරයකුගේ දියණියන් තිදෙනෙකුගෙන් ඔහු මෙම ඉඩම මිලට ගෙන ඇතැයි මුල්‍ය අපරාධ විමර්ශන අංශය අධිකරණයට දැන්වීය.

නඩුව ලබන ජනවාරි 10 වැනි දා දක්වා කල් තැබිණි.