මඩකලපුව හිටපු නගරාධිපති ශිවගීතා ප්‍රභාකරන් මහත්මිය ඇතුළු සිව් දෙනෙකු ලබන මස 07 දින දක්වා රක්ෂිත බන්ධනාගාර ගත කර තිබේ. ගණිකා නිවාසයක් පව...
මඩකලපුව හිටපු නගරාධිපති ශිවගීතා ප්‍රභාකරන් මහත්මිය ඇතුළු සිව් දෙනෙකු ලබන මස 07 දින දක්වා රක්ෂිත බන්ධනාගාර ගත කර තිබේ.
ගණිකා නිවාසයක් පවත්වාගෙන යාමේ චෝදනාව මත ඇය ඇතුළු පුද්ගලයින් 09 දෙනෙකු ඊයේ (23) දිනයේ අත්අඩංගුවට ගනු ලැබීය.
සිද්ධියට අදාළ නඩුව අද(24) කැඳවූ අවස්ථාවේදී මඩකළපුව මහේස්ත්‍රාත් එම්.ගනේෂරාජා මහතා විසින් මෙම නියෝගය ලබා දී තිබේ.
මඩකළපුව - ත්‍රීකුණාමලය මාර්ගයේ පිහිටා ඇති හිටපු නගරාධිපතිවරියට අයත් නිවසක මෙම ගණිකා නිවාසය පවත්වාගෙන ගොස් ඇති බව සඳහන්ය.
ඒ අනුව මේ සම්බන්ධයෙන් ලැබුණු තොරතුරකට අනුව මඩකළපුව පොලීසිය විසින් ඊයේ දිනයේ අදාළ නිවස පරීක්ෂා කර තිබේ.
එහිදී මඩකළපුව හිටපු නගරාධිපතිනිය සමග තවත් 09 දෙනෙකු අත්අඩංගුවට ගත් අතර ඊයේ දිනයේදී 05 දෙනෙකු පොලිස් ඇප මත මුදා හැර තිබුණි.
COMMENTS