උඩින්ගිය අප්පච්චිලා පුතාලා අද පාදයාත්‍රා යනවා - දිලිප්

එදා උඩින්ගිය අප්පච්චිලා පුතාලා ඥාති පරපුරම දේව දඩුවමක් ලබාදීලා අද පාද යාත්‍රා යන්න පන්සල් කෝවිල් ගානේ ගිහින් සමාව ගන්න දඩුවමක් ලබා දී ඇති...

එදා උඩින්ගිය අප්පච්චිලා පුතාලා ඥාති පරපුරම දේව දඩුවමක් ලබාදීලා අද පාද යාත්‍රා යන්න පන්සල් කෝවිල් ගානේ ගිහින් සමාව ගන්න දඩුවමක් ලබා දී ඇති බව ධිවර රාජ්‍ය අමාත්‍ය දිලිප් වෙදආරච්චි පවසයි.

අමාත්‍යවරයා මේ අදහස් පල කලේ ඊයේ (30) හම්බන්තොට දිස්ත්‍රික් ලේකම් කාර්යාලයේ පැවති ගිලන්රථ ලබාදීමේ උත්සවයක් සදහා සහභාගි වෙමිනි.

අගමැති රනිල් වික්‍රමසිංහ මහතාගේ ඉන්දියානු සංචාරයේදී ලංකාවේ ගිලන්රථ සේවාවක් ආරම්භ කිරීම සදහා ගිලන්රථ 108ක් ඉන්දියන් රජය මගින් පළමු වටයට මෙරටට ලබා දුන් අතර ඉන් ගිලන්රථ හයක් හම්බන්තොට දිස්ත්‍රිකයේ පොලිස් වසම් 06ක් සදහා ලබාදීම ධිවර රාජ්‍ය අමාත්‍ය දිලිප් වෙදආරච්චි මහතාගේ ප්‍රධානත්වයෙන් ඊයේ සිදුකෙරිණි.

මෙහිදී වැඩිදුරටත් අදහස් දැක්වූ අමාත්‍ය දිලිප් වෙදආරච්චි මහතා,

“මේ ගිලන්රථ පරිත්‍යාග කරනකොට මට මතක් වුනා පසුගියදා මම රූපවාහිනියෙන් දැක්කා මහින්ද රාජපක්ෂ හිටපු ජනාධිපති තුමා ප්‍රමුඛ ඒකාබද්ද විපක්ෂයේ කණ්ඩායම් නැවත වතාවක් මේ රටේ බලය ගන්න හොරු තක්කඩි මිනීමරුවෝ මංකොල්ල කාරයෝ සුදුවෑන් කාරයෝ ටිකක් ගිහින් හිටියා මම දැක්කා. නුවර ඉදලා ඉදලා එන පළමු පාගමනේදීම මේ අය කලේ අහිංසක ලෙඩෙක් අරන් එන ගිලන් රථයකට ගහලා කුඩු කළා. මේ පාගමන යන්නේ මේ යට නැවත බලය ලබාදෙන්න ද කියලා මම අහනවා. ඒ නිසා මම ඒකාබද්ද විපක්ෂයේ කණ්ඩායමට කියනවා ඔය පාද යාත්‍රා ඔය රෝදගමන් ගියාට ප්‍රශනයක් නෑ කවදාවත් මේ අවුරුදු පහ ඇතුලත මේ ආණ්ඩුව වෙනස්කරන්න බෑ කියලා මං කියනවා.“

රාහුල් සමන්ත - හම්බන්තොට