වැසිකිළි යාමට නොදුන් නිසා ශ‍්‍රී ලන්කන් ගුවන් සේවිකාවන් දෙදෙනෙකුට ගුවනේදී ගුටි අනී… සෞදි පුරවැසියෙකු අත්අඩංගුවට..

සෞදි අරාබියේ රියාද් නගරයේ සිට පැමිණි ශ්‍රී ලංකන් ගුවන් සමාගමට අයත් UL-266 දරන ගුවන් යානයේදී ගුවන් සේවිකාවන් දෙදෙනෙකුට පහරදීමේ සිදුවීමකට සම...

සෞදි අරාබියේ රියාද් නගරයේ සිට පැමිණි ශ්‍රී ලංකන් ගුවන් සමාගමට අයත් UL-266 දරන ගුවන් යානයේදී ගුවන් සේවිකාවන් දෙදෙනෙකුට පහරදීමේ සිදුවීමකට සම්බන්ධ 28 හැවිරිදි සෞදි පුරවැසියෙකු පොලිස් අත්අඩංගුවට ගෙන ඇත.

මෙම සිද්ධිය අද කටුනායක බණ්ඩාරනායක ජාත්‍යන්තර ගුවන් තොටුපළට (BIA) යානය ගොඩබෑමට ආසන්නව තිබියදී සිදුවී තිබේ.

මැලේසියාව බලා යමින් සිටි මෙම මගියා ගොඩබෑමට සූදානම් වන අවස්ථාවේදී වැසිකිළිය භාවිතා කිරීමට උත්සාහ කර ඇති අතර, එවැනි අවස්ථාවකදී සියලුම මගීන් ආසන පටි පැළඳ සිටිය යුතු බවට වන රීතිය නොතකා හැරීම නිසා මෙම ගැටුම ඇති වී තිබේ.

සිද්ධිය පිළිබඳව ගුවන් නියමුවාට දැනුම් දුන් ගුවන් සේවිකාවන්, කටුනායක ගුවන් තොටුපළ පොලිසියටද දැනුම් දීමෙන් පසු යානය ගොඩබෑමෙන් අනතුරුව සැකකරු අත්අඩංගුවට ගැනීමට කටයුතු කර ඇත.

කටුනායක ගුවන් තොටුපළ පොලිසිය සහ සංචාරක පොලිසිය එක්ව මෙම සිද්ධිය සම්බන්ධයෙන් පරීක්ෂණ පවත්වයි. සිදුවීම ශ්‍රී ලංකා ගුවන් සීමාව තුළ සිදුවීම හේතුවෙන්, අත්අඩංගුවට ගත් සෞදි ජාතිකයා කොළඹ මහේස්ත්‍රාත් අධිකරණයේ අංක 01 හමුවට ඉදිරිපත් කිරීමට නියමිතය.