සුළු හා මධ්‍ය පරිමාණ මෝල් හිමියන්ට හාල් ලබා දී වී අලෙවි මණ්ඩල ගබඩාවලින් වී ගෙන යා හැකි බව අමාත්‍ය වසන්ත සමරසිංහ පවසයි. එහි දී තමන්ට සහල් ක...
සුළු හා මධ්‍ය පරිමාණ මෝල් හිමියන්ට හාල් ලබා දී වී අලෙවි මණ්ඩල ගබඩාවලින් වී ගෙන යා හැකි බව අමාත්‍ය වසන්ත සමරසිංහ පවසයි. එහි දී තමන්ට සහල් කිලෝවක් සාධාරණ මිලකට ලබා දිය යුතු බවත් සතොසට ගබඩාවල සිට සිල්ලර වෙළඳසැල් සඳහා සහල් කිලෝවක් ගෙන යෑමට රු.06කට අධික මුදලක් වැය වන බවත් ඔහු පෙන්වා දෙයි.
සතොස කරන්නේ ව්‍යාපාරයක් මිස සුභසාධන වැඩක් නොවන බවත් එය කළ යුත්තේ තරඟකාරී වෙළඳපොළ සමග බවත් ඇමතිවරයා පෙන්වා දෙයි.
මහ පරිමාණ මොල් හිමියන් සහල් වෙළඳපොළ තුළ ජාවාරමක් සිදුකරන බවත් ඊට එරෙහිව රජය ක්රියාත්මක වන විට එය කඩාකප්පල් කිරීමට කරන උත්සාහයට ඉඩ නොදෙන බවත් ඇමති වසන්ත සමරසිංහ අවධාරණය කරයි.
සුළු හා මධ්‍ය පරිමාණ සහල් මෝල් හිමියන්ට රජයේ සහල් ලබා ගැනීමට නොහැකි වන ආකාරයට කොන්දේසි පනවා ඇති බවට නැගෙන චෝදනාවලට පිළිතුරු ලබා දෙමින් ඇමතිවරයා මේ බව කීය.
COMMENTS