කි‍්‍රකට් කී‍්‍රඩාවේ මනුස්සකම රජකරවූ ආර්චිගේ ටෙස්ට් වරම

Loading... මේ ගෙවෙමින් තිබෙන්නේ කි‍්‍රකට් කී‍්‍රඩාවේ වසන්තයේ සති අන්තයකි. සීතල උඳුවප් මාසය උණුසුම් කරමින් නත්තල් දිනට පසුදා ලෝකයේ ප‍්‍...

අත් අඩංගුවට ගැනීම වැළැක්වීමට හිටපු පොලිස්පති ශ්‍රේෂ්ඨාධිකරණයට

නායකත්ව පුහුණුවේදී මියගිය විදුහලපතිනියගේ මරණය සම්බන්ධයෙන් පරීක්ෂණයක් ඉල්ලා විරෝධතාවයක්

නාමල් රාජපක්ෂ, ව්‍යාජ ගිණුම් පොකුරු හා ප‍්‍රකෝපකාරී පණිවුඩ: ශ‍්‍රී ලංකාව තුළ Digital ප‍්‍රචාරණය හා Online කතිකාව ගෙන ඇති නව ස්වරූප

Loading...

මේ ගෙවෙමින් තිබෙන්නේ කි‍්‍රකට් කී‍්‍රඩාවේ වසන්තයේ සති අන්තයකි. සීතල උඳුවප් මාසය උණුසුම් කරමින් නත්තල් දිනට පසුදා ලෝකයේ ප‍්‍රබලම කි‍්‍රකට් කණ්ඩායම් 6ක් කි‍්‍රඩාපිටි 3කදී ටෙස්ට් තරග 3ක් කී‍්‍රඩා කරති. නත්තල් දිනට පසුදා ඇරඹෙන කි‍්‍රකට් තරග හඳුන්වන විශේෂ නාමයක් කි‍්‍රකට් කී‍්‍රඩාවේදී භාවිත වේ. ඒ බොක්සිං ඬේ කි‍්‍රකට් තරග ලෙසිනි. ඒ අනුව ශී‍්‍ර ලංකාව සහ නවසීලන්ත යත්, පාකිස්තානය සහ දකුණු අපි‍්‍රකාවත්්, ඉන්දියාව සහ ඔස්ටේ‍්‍රලියාවත් අතර ටෙස්ට් තරග ති‍්‍රත්වයක් මේ වනවිටදී බොක්සිං ඬේ නමින් ආරම්භ වී තිබේ. මේ රටවල් හය අතරින් කාගෙත් අවධානය දිනාගත් විශේෂ තරගයක් වේ. ඒ ඉන්දියාව සහ ඔස්ටේ‍්‍රලියාව අතර පැවැත්වෙන තෙවැනි ටෙස්ට් කි‍්‍රකට් තරගයයි. එයට හේතුවක් තිබිණි. ඒ ලොකයේ අංක එකේ ක‍්‍රිකට් කණ්ඩායමට එකතු වූ අමුත්තා නිසාය. වෙනත් විදිහකින් කියනවානම් ඔස්ටේ‍්‍රලියානු කණ්ඩායමේ නායකත්වය ආර්චි ස්චිලර් නම් අවුරුදු 7ක පුංචි දරුවෙකුට ලබා දීමට එරට කි‍්‍රකට් පරිපාලනය කටයුතු කර තිබීමය. ඇසූ පමණින්ම එම කාරණාව තරමක් පුදුම සහගත කරුණකි. ඉන්දියාව සමග තරගාවලිය 1-1ක් ලෙස සමවී තිබියදී තීරණාත්මක මෙම තරගයේදී ඔස්ටේ‍්‍රලියානු කණ්ඩායම එවැනි තීරණයක් ගැනීමට හේතු වූ කරුණක් තිබිණි.

ආර්චි ස්චිලර් උපතින්ම හදවත් රෝගියෙකි. ඔහු ඉපදී මාස 3ක් පමණ ගතවූ තැන රෝගය උත්සන්න විය. ඒ අනුව පුංචි ආර්චිට හදවත් සැත්කමක් කළ යුතු යැයි වෛද්‍යවරුන්ගේ නිගමනය විය. හදවත් සැත්කමක් යනු ජීවිතය අතේ තියාගෙන සිදුකරනු ලබන සැත්කමකි. කෙසේ වෙතත් පැය හය හතකට පසු ආර්චිට තව දුරටත් ජීවත්වීමට වාසනාව උදා වී තිබිණි. වෛද්‍යවරු එදා ආර්චිව බේරා ගත්තේය. ආර්චිගේ දෙමාපියන් පමණක් නොව ඔහු වෙනුවෙන් වෙහස වූ වෛද්‍යවරු පවා එදා ආර්චි වෙනුවෙන් සතුටු කඳුළු හෙළන්නට ඇත. එහෙත් ආර්චිට හෝ ආර්චිගේ පවුලේ අයට ඒ සතුට වැඩි කලක් විඳීමට දෛවය ඉඩ ලබා දුන්නේ නැත. ඒ දෙවැනි වරටත් ආර්චිට හදවත් සැත්කමක් කිරීමට සිදුවීමෙනි.

දෙවැනි සැත්කම කිරීමෙන් පසු ආර්චිට සුවය ලැබේ යැයි සැවොම විශ්වාස කළහ. එහෙත් දෛවය ආර්චිට ඒ අවස්ථාව එවරද ලබා නොදුන්නේය. දෙවැනි සැත්කමෙන්ද ආර්චිට සම්පූර්ණ සුවය නොලැබිණි. ඒ අනුව තුන් වැනි වරටත් සැත්කමක් සිදු කිරිම වෛද්‍ය නිගමනය විය. එහෙත් එහි ඇත්තේ ඉතාම භයානක තත්ත්වයකි. හදවත් රෝගියෙකුට තෙවැනිවර සැත්කමක් යනු මරණය සමග එකට හිඳ ගැනීමකි.

රෝගී ආර්චි ජීවිතයේ විඳි දහසක් කරදර වධ වේදනා මැද සිනාසුණේය. අනාගතය ගැන සිහින මාළිගා ඔහුටද නොතිබුණා නොවේ. ආර්චිට ඇත්තටම තිබුණේ හැබෑ කරගැනීමට අසීරු සිහිනයකි. ඒ කවදා හෝ ඔස්ටේ‍්‍රලියා කි‍්‍රකට් කණ්ඩායමේ නායකයා වීමය. ලොව අංක එකේ කි‍්‍රකට් කණ්ඩායමේ නායකයා වීම ඇත්තෙන්ම සිහිනයකි.

දෙමාපියන්ට දරුවන් තරම් ලෝකයේ වටිනා වෙනත් කිසිම වස්තුවක් නොවේ. එය ආර්චිගේ දෙමාපියන්ටද එසේමය. ආර්චිගේ අනාගත එකම හීනය පිළිබඳ එරට කි‍්‍රකට් බලධාරින්ව ආර්චිගේ පියා දැනුවත් කරන්නේ එලෙසින්ය.

කි‍්‍රකට් කී‍්‍රඩාවේ තරගකාරිත්වය පරයා කී‍්‍රඩාවේ මහත්මා ගුණය ඉස්මතු විය. ඒ අනුව එම සැත්කමේ ඇති අවදානම් ස්වභාවය අනුව සහ පුංචි ආර්චි ස්චිලර්ගේ අනාගත බලාපොරොත්තුව ඉටු කිරීමේ අරමුණින් ඉන්දියාව සමග පැවැත්වෙන තෙවැනි ටෙස්ට් තරගය සඳහා ඔස්ටේ‍්‍රලියානු කණ්ඩායමේ නායකයා ලෙසින් කටයුතු කිරීමේ අවස්ථාව ඔහුට ලබාදීමට එරට කි‍්‍රකට් පාලක මණ්ඩලය කටයුතු කළේය. ඒ අනුව එම සතුටු අරංචිය ආර්චිට දුරකථනය ඔස්සේ දැනුම් දීමටද ඔවුහු කටයුතු කළේය.

ඇතැම්විට ආර්චිට ජීවිතයේ ලැබුණු වටිනාම දුරතකන ඇමතුම එය වන්නට ඇත. ජීවත් වීමට අල්පෙනෙති තුඩක් තරම් වාසනාව අහිමි ආර්චිට ඔස්ටේ‍්‍රලියා කණ්ඩායමේ නායකයා වීමට අවස්ථාව ලැබුණේ එලෙසිනි. ඒ අනුව ආර්චි ඔස්ටේ‍්‍රලියානු කණ්ඩායම සමග පුහුණු සැසි වලටද සහභාගි විය. කණ්ඩායමේ සියලූම කී‍්‍රඩකයෝ මේ පුංචි අමුත්තාව ආදරයෙන් පිළිගත්තේය. මිනිසුන්ගේ ජීවිත එහෙමය. එක් පැත්තක් අඳුරු වෙද්දී තවත් පැත්තක් එළිය වැටේ. එදා ඒ ඇමතුමෙන් උද්දාමයට පත් වූ ආර්චි තමන් විරාත් කෝලිගේ කඩුල්ල ලබා ගන්නා බවද එය තමන්ට ඉතා සරළ කටයුත්තක් බවද පැවසීය.

‘ආර්චිගේ පියා ඔහුගෙන් ඔබ කවුරුවෙන්නද කැමති කියා අසා තිබුණා. ඒ මොහොතේ ඔහු කියා තිබුණේ මට ඔස්ටේ‍්‍රලියානු කණ්ඩායමේ නායකයා වෙන්න ඕනෙ කියලා. ඇතැම් වෙලාවට අපේ ජීවිතය ඉතා හොඳයි. ඇතැම් වෙලාවට ඒ ජීවිතයම අපිට බාධා ගේනවා. මෙවැනි කෙනෙක් අපේ ළග ඉන්න එක අපිට ශක්තියක්. අපිට ඒක ලොකු සතුටක්.’ යැයි ඔස්ටේ‍්‍රලියානු නායක ටීම් පේන් ආර්චි පිළිබඳ පවසා තිබිණි.

ආර්චි පිළිබඳ ඔහුගේ මවද හඩ අවදිකොට තිබිණි. ‘වෛද්‍යවරු අපිට කිව්වා සැත්කම සාර්ථක වෙන්නත් පුළුවන් අසාර්ථක වෙන්නත් පුළුවන් කියලා. අපි දන්නවා මේ ලෝකේ කිසි දෙයක් ස්ථිර නැහැ කියලා. ඒත් අපිට ඕනේ ආර්චි අපිත් එක්ක ඉන්න. හැම වෙලාවෙම එයාව සතුටින් තියන්න. මොකද පිතිකරණයේදි වගේ ජීවිතයේදී දෙවැනි අවස්ථාවක් ලැබෙන්නෙ නැහැ. එයා දවසක් ඉස්කෝලේ ගිහින් ගෙදර ඇවිල්ලා කිව්වා මට මගේ යාළුවන්ව කොහේවත් හොයාගන්න බැරිවුණා. මට එයාලා එක්ක දුවන්න බැරිවුණා. ඒ නිසා මම පැත්තකට වෙලා හිටියා කියලා. ආර්චි වෙනුවෙන් දෙයක් කළාට ගොඩක් ස්තුතියි.’

දැන් ආර්චි ලොකයේම ජනප‍්‍රිය කිකට් තරුවකි. එපමණක්ද නොවේ. ලෝකයේ ලාබාලම කි‍්‍රකට් නායකයා බවට ලෝක කි‍්‍රකට් ඉතිහාස පොතටද ආර්චි ඇතුළත් වී අවසන්ය. ඉන්දියාව සමග පැවැත්වෙන තුන්වැනි සහ අවසන් ටෙස්ට් තරගයේදි විරාත් කෝලි සමග ඔස්ටේ‍්‍රලියාව වෙනුවෙන් කාසියේ වාසිය උරගා බැලූවේද ආර්චි විසින්ය. තමන්ව දවා ගැනීමට ඔහුට අවශ්‍ය නම් තමන්ද ඔහුගේ පන්දුවකට දැවී යෑමට සූදානම් බව විරාත් කෝලිද තරගයට පෙර පවසා තිබිණි.

කෙසේ වෙතත් ඔස්ටේ‍්‍රලියානු කණ්ඩායමේ මෙම සද්කි‍්‍රයාව පිළිබඳ අද වන විටදී ලොවම කතාබහට ලක්වී අවසන්ය. ඔවුන්ගේ මහත්මා ගුණය පිළිබඳ අද කී‍්‍රඩාලෝලිහු පමණක් නොව සමාන්‍ය ජනතාව අතර පවා මාතෘකාව බවට පත්ව තිබේ. එහෙත් ආර්චි යනු මේ ලොක්යේ එකම හදවත් රෝගී දුරුවාද නොවේ. හෙට දිනයේ හිරු නැගෙනවා දැකීම විශ්වාස නැති දරුවෝ මේ ලොකයේ තවත් අනන්තවත් නැතුවාද නොවේ. ආර්චි පිළිබඳ අප දැන උගත්තේද ඔස්ටේ‍්‍රලියානු කි‍්‍රකට් කණ්ඩායම නිසාය. ඔහු ජාතික කණ්ඩායමේ නායකයා වූ නිසාය. එසේ නැතිනම් ඔහුද මේ ලෝකයට අනෙක් හදවත් රෝගි දරුවන් මෙන් එක් හදවත් රෝගියෙක් පමණකි.

අද ශී‍්‍ර ලංකාවේ ජනයාද ආර්චි පිළිබඳ කම්පා වේ. එහෙම කම්පා වන අපිම අද බඩ ගින්නට අඹ ගෙඩියක් කැඩූ වරදට, පාසල් උත්සවයට සල්ලි දීමට පොල්ගෙඩියක් හොරෙන් කැඩූ පලියට ළමයින් උසාවි ගෙන යන්නේය. යාපනයේ විද්‍යා, සේයා, සදීප ලක්‍ෂාන් පමණක් නොව මතුගම සමන් කුමාරලාද ලංකාව් දරුවෝය. දරුවන් යනු මේ රටේ අනාගතය ය. හෙට දවසේ මේ ලෝකය ඉදිරියට රැගෙන යන්නේද ඔවුන්ය. ආර්චි ලංකාවේ දරුවෙකු වූවානම් ඔහු අද කොතැනකද කියා අපි සිතිය යුතුය. මෙම සටහන ලියන මොහොතේ මානෙතේ පවා කඳුළක් වේ. ඒ ආර්චි පිළිබඳව පමණක් නොවේ. සමස්ත ලෝකවාසිී හදවත් රෝගී දරුවන් වෙනුවෙන්ද පමණක් නොවේ. ඒ අසරණ රෝගී සෑම දරුවන් වෙනුවෙන්මය.