මුලතිව් තන්නිමුරුප්පු ප්‍රදේශයේ පිහිටි කුරුදුමලේ බෞද්ධ සිද්ධස්ථානයේ ප්‍රදේශවාසීන් විසින් ඉදි කරගෙන ඇති හින්දු කෝවිල වන්දනා මාන කිරීමට ප්‍ර...
මුලතිව් තන්නිමුරුප්පු ප්‍රදේශයේ පිහිටි කුරුදුමලේ බෞද්ධ සිද්ධස්ථානයේ ප්‍රදේශවාසීන් විසින් ඉදි කරගෙන ඇති හින්දු කෝවිල වන්දනා මාන කිරීමට ප්‍රදේශවාසීන්ට එහි යාමට මුලතිව් දිසා අධිකරණය මගින් අවසර ලබා දී තිබේ.
මෙම ස්ථානයේ පුරාවිද්‍යා වටිනාකම් ඇති දේ තහවුරු කොට සංරක්ෂණය කිරීමට පුරා විද්‍යා නිලධාරීන් පිරිසක් පසුගිය පලවෙනිදා බෞද්ධ භික්ෂූන් වහන්සේලා දෙනමක් සමග ගිය අවස්ථාවේදී දෙමළ ජාතික සන්ධානයේ උතුරු පළාත් සභා මන්ත්‍රී ටී.රවිහරන් ඇතුළු තවත් පිරිසක් පැමිණ බාධා එල්ල කොට දකුණෙන් ගිය පිරිස ආපසු හරවා එවනු ලැබීය.
අනතුරුව දෙමළ ජාතික සන්ධානයේ පිරිසක් මුලතිව් දිසා අධිකරණයට පෙත්සමක් ඉදිරිපත් කරමින් පළාතේ ජනතාව තුළ වෛරීය තත්ත්වයක් ගොඩ නැගී ඇති නිසා කුරුදුමලේ ප්‍රදේශයේ සිදු කිරීමට යන සංවර්ධන කටයුතු අත්හිටුවන ලෙස අධිකරණයෙන් ඉල්ලා සිටියහ.
ඒ අනුව එම ස්ථානයට ඇතුළුවීම පවා තහනම් කරමින් අධිකරණ නියෝගයක් නිකුත් කරණ ලදී.
මේ නියෝගය නිසා හින්දු කෝවිල වන්දනාමාන කිරීමට යාමට නොහැකි බවට මුලතිව් දිසා අධිකරණයට කෝවිලේ පූජකවරයා ඇතුළු පිරිසක් ගොණු කළ පෙත්සමකට අනුව පළාතේ වැසියන්ට වන්දනාමාන කිරීමට එහි යාම සදහා මුලතිව් අධිකරණයෙන් අවසර ලබා දී තිබේ.
එම නියෝගයට අනුව කෝවිල වන්දනාමාන කිරීම හැර එහි රැදී සිටීම, භූමිය එලිපෙහෙළි කිරීම, තාවකාලික හෝ ඉදිකිරීම් සිදුකිරීම තහනම් කොට තිබේ.
(දිනසේන රතුගමගේ)
COMMENTS