ත්‍රස්තවාදී ක්‍රියා සම්බන්ධයෙන් චෝදනා ලැබ දැනට ඔස්ට්‍රේලියාවේ අත්අඩංගුවේ පසුවන කමාර් නිසාම්ඩින් නමැති ශ්‍රී ලාංකික තරුණයා වෙනුවෙන් ඔහුගේ ඥ...
ත්‍රස්තවාදී ක්‍රියා සම්බන්ධයෙන් චෝදනා ලැබ දැනට ඔස්ට්‍රේලියාවේ අත්අඩංගුවේ පසුවන කමාර් නිසාම්ඩින් නමැති ශ්‍රී ලාංකික තරුණයා වෙනුවෙන් ඔහුගේ ඥාතීන් පිරිසක් කොළඹදී විරෝධතාවයක් පැවැත්වීය.
ඔහුට විරුද්ධව ඇති චෝදනා කඩිනමින් විභාග කර ඔහුට සාධාරණය ඉටු කරන ලෙස බල කරමින් මෙම විරෝධතාවය සිදු කළේය.
ඔවුන් පවසන පරිදි නිසාම්ඩින්ට අත්අඩංගුවට පත්ව දින 7ක් යනතුරුත් නීතිඥවරයෙක්වත් හමුවීමට ඉඩ නොදී විශේෂිත සිර කුටියක රඳවා තබා ගෙන සිට ඇති බවයි.
ඔස්ට්‍රේලියානු පොලීසිය පවසන පරිදි නිසාම්ඩින්ගේ ලැප්ටොප් පරිඝනකයේ තිබී ඔස්ට්‍රේලියාවේ ප්‍රධාන මරමස්ථාන කිහිපයකට ත්‍රස්ත ප්‍රහාර එල්ල කරන ආකාරය පිළිබඳ සැලසුම් තිබී ඇත.
මේ සම්බන්ධයෙන් නිසාම්ඩින්ගේ ඥාතීන් පවසා සිටින්නේ ඔහුගේ දක්ෂතා වලට ඊර්ෂ්‍යා කරන කිසියම් පුද්ගලයෙක් විසින් මේ සම්බන්ධයෙන් ඔහුව සැලසුම්සහගතව පටලවා ඇති බවයි.
මේ චෝදනා සම්බන්ධයෙන් ඇති පරීක්ෂණ කඩිනමින් අවසන් කර ඔහු නිර්දෝෂී නම් ඔහුව කඩිනමින් නිදහස් කරන මෙන් නිසාම්ඩින්ගේ ඥාතීන් එරට පොලිසියෙන් ඉල්ලා සිටියි.
නිසාම්ඩින් කැබිනට් අමාත්‍ය ෆයිසර් මුස්තාපා මහතාගේ සමීපතම ඥාතියෙකු වන අතර අමාත්‍යවරයා ද පවසන්නේ ඔහු නිර්දෝෂී පුද්ගලයෙකු බවට තමාද විශ්වාස කරන බවයි.
COMMENTS