බගවන්තලාව පොලිස් වසමට අයත් කැම්පියන් එල්ටොප්ස් වතුයායේ ඉදිකෙරෙන පෞද්ගලික ජල විදුලි බලාගරයක ඉදි කිරිම් සදහා කපා ඉවත් කරන පස් කෙසෙල්ගමුඔ...
බගවන්තලාව පොලිස් වසමට අයත් කැම්පියන් එල්ටොප්ස් වතුයායේ ඉදිකෙරෙන පෞද්ගලික ජල විදුලි බලාගරයක ඉදි කිරිම් සදහා කපා ඉවත් කරන පස් කෙසෙල්ගමුඔයට මුදා හැරිම නිසා විශාල පරිසර හනියක් සිදු වෙමින් පවතින බව වතු කම්කරුවන් කියා සිටිති.
කාසල්රි ජලාශයට ප්‍රධාන වශයෙන් මහඑලිය රක්ෂිතයේ සිට ගලා බසින කෙසෙල්ගමුඔයට යාබදව මෙම පෞද්ගලික ජල විදුලි බලාගාරය ඉදි කරමින් පවතියි.
බැකෝ යන්ත්‍රයක් යොදාගනිමින් එම පෞද්ගලික ජල විදුලි බලාගාරයේ ඉදි කිරිම් කටයුතු සදහා කපා ඉවත් කරන පස් අලුයම් කාලයේ ඉතා සුක්ෂම ලෙස එම ඉදිකිරිම් සිදු කරන අය විසින් කෙසෙල්ගමුඔයට මුදා හරින බවද වතුකම්කරුවන් කියා සිටිති.
එම ජල විදුලි බලාගාරය ඉදි කරන ස්ථානය සිට කාසල්රි ජලාශය දක්වා කිලෝමිටර් 15 පමණ දුරක් කෙසෙල්ගමුඔයේ ජලය ගලා බසින අතර පවත්නා පරිසර විනාශය හේතුවෙන් ඔයේ ජලය බොර පැහැයෙන් ගලා බසින බවයි වතු කම්කරුවන් කියා සිටින්නේය.
මේ දිනවල මධ්‍යම කදුකරයේ පවතින දැඩි වියලි කාලගුණයත් සමග ගගේ ජල මට්ටමද පහල බැස ඇති බවත් , ඔයේ ජලය බොර පැහැයෙන් ගලා බැසිම හේතුවෙන් එම ඔයේ ජලය දිනපතා පරිහරණය කරන තමන් දැඩි අසිරුතාවයට පත් වි සිටින බවත් වතු කම්කරුවන් වැඩි දුරටත් කියා සිටියේය.
මෙම පරිසර විනාශය සම්බන්ධයෙන් බගවන්තලාව පොලිසියේ ස්ථානාධිපති ප්‍රධාන පොලිස් පරික්ෂක කේ.සි ධර්මප්‍රිය මහතාගෙන් අප කල විමසමුකට ඔහු කියා සිටියේ වහාම ඒ පිලිබද සොයා බැලිමක් සිදු කරන බවය.
(හැටන් රංජිත් රාජපක්ෂ)
COMMENTS