විශ්ව විද්‍යාල අවටින් කුලී පදනම යටතේ ලබාගත් නිවාසවල සරසවි සිසුන් රඳවා නවක වදය ලබාදෙන වධකාගාර පවත්වාගෙන යන බවට උසස් අධ්‍යාපන අමාත්‍යංශයට ...
විශ්ව විද්‍යාල අවටින් කුලී පදනම යටතේ ලබාගත් නිවාසවල සරසවි සිසුන් රඳවා නවක වදය ලබාදෙන වධකාගාර පවත්වාගෙන යන බවට උසස් අධ්‍යාපන අමාත්‍යංශයට තොරතුරු ලැබී ඇතැයි වාර්තා වේ.
කොළඹ දෙහිවල ප්‍රදේශයේ පවත්වාගෙන යන මෙවැනි වධකාගාරයක් සම්බන්ධයෙන් කඩිනමින් පරීක්ෂණ පැවැත්වීමට කටයුතු යොදා ඇති බව විජේදාස රාජපක්ෂ මහතා කියා සිටියේය.
මේ වධකාගාරය සම්බන්ධයෙන් පොලිසියට ද අවස්ථා කිහිපයකදී තොරතුරු ලැබී ඇතත් එය යට ගැසීමට දේශපාලඥයකුගේ සහය ලැබී ඇති බව පැවසේ.
අදාළ දේශපාලඥයාට අරියාදු කරන අයද මේ වධකාගාරයට රැගෙන ගොස් දඬුවම්දීමට සහය දැක්වීම හේතුවෙන් මෙසේ සහය ලැබී ඇති බවද වාර්තා වේ.
නවක වධය හේතුවෙන් 2016 සහ 2017 යන වසරවල සරසවි සිසුන් 1,352ක් පලාගොස් අති බවද ඇමතිවරයා සඳහන් කළේය.
මේ වන විට ශ්‍රී ලංකාවේ සරසවිවල ශිෂ්‍ය ශිෂ්‍යාවන් 91,600ක් අධ්‍යාපනය ලබන බවත්, ඔවුන් රැක බලා ගැනීම මුලුමහත් සමාජයේම වගකීමක් බවද අමාත්‍යවරයා සඳහන් කළේය.
COMMENTS