ආණ්ඩුවක් නම් තියෙනවා මෙලෝ රහක් නැති බව ජනතා විමුක්ති පෙරමුණේ ඌව පළාත් සභා මන්ත්‍රී සමන්ත විද්‍යාරත්න මහතා පවසයි. ඒ ඊයේ පැවති ජන හමුවක් අම...
ආණ්ඩුවක් නම් තියෙනවා මෙලෝ රහක් නැති බව ජනතා විමුක්ති පෙරමුණේ ඌව පළාත් සභා මන්ත්‍රී සමන්ත විද්‍යාරත්න මහතා පවසයි.
ඒ ඊයේ පැවති ජන හමුවක් අමතමිනි.
එහිදී ඒ මහතා මෙසේ අදහස් දැක්වීය.
“අද වෙන කොට අපේ රටේ වර්තමාන ආණ්ඩුව, ඒ කියන්නේ යහපාලන ආණ්ඩුව යහපත් පාලනය කියන වචනය අයින් කරලා තියෙන්නේ. ආණ්ඩුවක් නම් තියෙනවා මෙලෝ රහක් නෑ. මේ රටේ ජනතාවට සුගතියකුත් නෑ. ආණ්ඩුවට වගතුවකුත් නෑ. ආණ්ඩුව අද ලොකු අර්බුදයකට ගිහිල්ලා තියෙන්නේ. මේ ආණ්ඩුව ආවේ ප්‍රජාතන්ත්‍රවාදයට අත තියන්නේ නැහැ කියලා. ප්‍රජාතන්ත්‍රවාදය රකිනවා කියලා. මේ රටේ අධිකරණයට අත තියන්නේ නැහැ කියලා. නමුත් අද මොකක්ද ප්‍රතිඵලය තියෙන්නේ, අද මේ ආණ්ඩුවත් යහපාලනය විසි කරලා තියෙනවා. රට නම් කියන්නේ අගමැති මාරු කරන්න ඕනේ කියලා. අන්න විශ්වාසභංගයකුත් ඇවිල්ලා. අපිට පේනවා මේ ආණ්ඩුවත් අර තිබුණු ආණ්ඩුවට හපන් කියලා. ඒ නිසා අපිට දැන් පේනවා මේ රටේ ජනතාවගේ ප්‍රශ්න පැත්තකට දාලා, දැන් මහජනතාවට විශාල ප්‍රශ්න ප්‍රමාණයක් තියෙනවා.”
“දැන් මේ සිංහල හින්දු අලුත් අවුරුදු සමය එළඹිලා තියෙන්නේ, එළඹිලා තියෙද්දී මේ රටේ ජනතාවගේ ප්‍රශ්න නෙවෙයි දැන් ප්‍රධාන ප්‍රශ්නේ වෙලා තියෙන්නේ මාධ්‍යයේත් කතා කරන්නේ, දේශපාලනයේත් කතා කරන්නේ, අපිටත් කතා කරන්න වෙලා තියෙන්නේ මොකක්ද? විශ්වාසභංගය, ප්‍රාදේශීය සභාවේ සභාපති පත් කරන්නේ කොහොමද?, නගර සභාවේ නගරාධිපති පත් කරන්නේ කොහොමද කියලා. දැන් මේක හරි අපූරු යහපාලනය. එක පැත්තකින් මහින්දයි රනිලුයි එක්කහු වෙලා. අනිත් පැත්තෙන් රනිලුයි, මෛත්‍රීයි එක්කහු වෙලා, අනිත් පැත්තෙන් මෛත්‍රීයි මහින්දයි එක්කහු වෙලා. මොකක්ද මේ විගඩම? දෙගොල්ලෝ මැතිවරණ වේදිකාවේ පලු යන්න දෙසා බෑවා. ඔක්කොටම බැන අඩගහගත්තා. දැන් බලනකොට කට්ටියටම ඔටුනු රැක ගන්න මොකා වුණත් එකා වගේ එක්කහු වෙන්න වෙලා සිදු වෙලා තියෙනවා.”යැයිද ඒ මහතා වැඩිදුරටත් පැවසීය.
COMMENTS