අමාත්‍යවරයා පවසන්නේ අයහපත් කාලගුණය සහ නියං කාලගුණය හේතුවෙන් සහල් නිෂ්පාදනය සැලකිය යුතු ප්‍රමාණයකින් අඩු වී ඇති බවයි. ඒ අනුව සහල් නිෂ්පාදන...
අමාත්‍යවරයා පවසන්නේ අයහපත් කාලගුණය සහ නියං කාලගුණය හේතුවෙන් සහල් නිෂ්පාදනය සැලකිය යුතු ප්‍රමාණයකින් අඩු වී ඇති බවයි. ඒ අනුව සහල් නිෂ්පාදනය 50% කින් අඩු වී ඇති අතර එයට ඇති එකම විකල්පය සහල් ආනයනය බවයි ඔහු පවසන්නේ.
සහල් මෙට්‍රික් ටොන් ලක්ෂ 05 ක් ආනයන කිරීමට රජය තීරණය කර ඇති අතර ඉන් මෙට්‍රික් ටොන් ලක්ෂයක් ආනයනය කර සතොස අලෙවි සැල් හරහා නිකුත් කිරීමට පියවර ගෙන තිබේ. ඉතිරි ප්‍රමාණය ආනයන කිරීම සඳහා ටෙන්ඩර් කැඳවීමට නියමිත බවයි අමාත්‍යවරයා පවසන්නේ.
මේ අතර වැඩි මිලට සහල් විකිණීම සම්බන්ධයෙන් පාරිභෝගික අධිකාරියට පැමිණිලි ලැබී ඇති අතර එම පැමිණිලි සලකා බලා නැවත සහල් සඳහා පාලන මිලක් ගැසට් කිරීමට කටයුතු කරන බව ද බදුර්දීන් ඇමතිවරයා පවසයි. මෙම මාසය අවසන් වනතෙක් වෙළඳුන්ට කල් ලබාදෙන බවත් තවදුරටත් පැමිණිලි ලැබුනහොත් උපරිම මිලක් ප්‍රකාශයට පත්කරන බවත් ඇමතිවරයා වැඩිදුරටත් පෙන්වා දෙයි.
COMMENTS