උමා ඔය ව්‍යාපෘතිය හේතුවෙන් පීඩාවට පත්ව සිටින පවුල් සඳහා ක්රියාත්මක වන මකුල් ඇල්ල පානීය ජල යෝජනා ක්‍රමය විවෘත කිරීමේ උත්සවයට සහභාගිවෙමින්...
උමා ඔය ව්‍යාපෘතිය හේතුවෙන් පීඩාවට පත්ව සිටින පවුල් සඳහා ක්රියාත්මක වන මකුල් ඇල්ල පානීය ජල යෝජනා ක්‍රමය විවෘත කිරීමේ උත්සවයට සහභාගිවෙමින් අමරවීර ඇමතිවරයා මේ බව ප්‍රකාශ කළේය. රුපියල් මිලියන 325 ක වියදමින් ඉදිකර ඇති මෙම ජල ව්‍යාපෘතිය යටතේ වෙහෙරගල තැන්න, කදුරුගොල්ල යන ප්‍රදේශවල පවුල් 2250 කට පමණ පානීය ජලයට ලබාදීමට නියමිතය.
වත්මන් ආණ්ඩුව ජනතාවාදී ආණ්ඩුවක් බවත් ජනාධිපතිවරයා ජනතා හඬට කන්දෙමින් සියලු විවේචන ඉවසමින් කටයුතු කරමින් සිටින බවත් ආණ්ඩුව විවේචනය කරන පුද්ගලයන්ට නිදහසේ ජීවත් වියහැකි වටපිටාවක් නිර්මාණය කර ඇති බවත් ඇමතිවරයා පවසයි.
තවදුරටත් අදහස් දැක්වූ ධීවර අමාත්‍ය මහින්ද අමරවීර මහතා,
'මාධ්‍යයට ජනතාවට ආණ්ඩුව විවේචන කරන්න පුළුවන් ඒ විවෙචන ආණ්ඩුවේ ඉදිරි පැවැත්මට ශක්තියක්. ඒවා තර්ජනය කරල මර්දනය කරල පාලනය කරන්න පුළුවන්කමක් නැහැ. එහෙම මර්දනය කරන්න ගියොත් ඒවා මහා පිපිරීම් බවට පත්වෙන බව අපි හොඳටම වටහාගෙන තියෙනවා. හැමදාම රාත්‍රී ප්රවෘත්ති බැලුවම, උදේට පත්තර ටික බැලුවම, ගුවන්විදුලි ප්‍රවෘත්ත ඇහුවම මිනිස්සුන්ට හිතනෙවා ආණ්ඩුව ඊලඟ දවසේ කඩා වැටෙයි කියලා. ඒ තරමට අවිනිශ්චිතතාවයන් තමයි පෙන්වන්නේ. ඉරිදාට පත්තර තිහක් විතර එනවා. ඒ පත්තර ටික බැලුවම මොලේ විකෘති වෙනවා. එක එක ඒවායේ එක එක විදියට. හොඳ කට්ටිය හොඳ කෑල්ල ගන්නවනා නරක කට්ටිය නරක කෑල්ල ගන්නවා. ආණ්ඩු පෙරලන්න බලාපොරොත්තුවන අය පත්තර ටික බැලුවම බොහොම චූන් වෙනවා. මාධ්‍ය බැලුවම චූන්වෙලා යනවා අන්න හරි ආණ්ඩුව හෙට පෙරලෙනවා කියලා. නමුත් එහෙම පෙරලන්න පදනමක් නැහැ. මේ ආණ්ඩුවේ නායකයා විදියට මෛත්‍රීපාල සිරිසේන ජනාධිපතිතුමා පැහැදිලි වැඩපිළිවෙලක ඉන්නවා.'
'වංචාවට දූෂණය විරුද්ධව කතා කරන්න අද අයිතිය දිලා තියෙනවා. ඒ විතරක් නොවෙයි මේ රජය තුළ ඒක ක්රියාත්මක වෙනවා. ඒ නිසා තමයි අමාත්‍යවරු ඉවත් කිරීම්, වෙනස් කීරීම්, ප්‍රධාන පෙලේ නිලධාරීන් වෙනස් කිරීම්, අර්ජුන් මහේන්ද්‍රන් වගේ අය එලවන ඒවා, එ්වගේම බැඳුම්කර කොමිෂන් වගේ කොමිෂන් දාලා ඒ වංචා දූෂන හොයන එක මේ ආණ්ඩුව තුල ඒවා සිද්ධ වෙනවා. අතීතයේ කවදාවත් එහෙම දේවල් සිද්ද උනේ නැහැ. ආණ්ඩුව ඇතුලේ ආණ්ඩුවෙ පරීක්ෂණ තියන ඒවා බොහොම අඩුයි. පෙර ආණ්ඩුවල තිබුන ඒවායේ පරීක්ෂන තමයි සාමාන්‍යයෙන් සිදුවෙන්නේ. නමුත් මේ ආණ්ඩුව තුල ඒවගේ පරීක්ෂන තියනවා විතරක් නොවෙයි, ඒ අයට දඬුවම් ලබාදෙනවා. කට්ටිය කියනවා ගිය ආණ්ඩුව වැඩියෙන් හොරකම් කළාලු. ඒ නිසා මේ ආණ්ඩුව පොඩි දෙයක් කලාට කාරියක් නැහැ කියල කට්ටියක් ගලපගන්න හදනවා. ගිය ආණ්ඩුව වැඩියෙන් හොරකම් කළානම් ඒකත් ඉතාම බරපතල වැරැද්දක්. ඒක සහගහන අපරාධයක්. ඒ‍වගේම මේ ආණ්ඩුව කුඩාවට හරි හොරකම කරන්න යනවා නම් කවුරු හරි ඒකත් ඊට වැඩිය පනුවො ගහන වැරැද්දක්. මොකද හොරකම් කරන ආණ්ඩුවක් එලවල එන ආණ්ඩුව පිරිසිදු ආණ්ඩුවක් වෙන්න ඕන.'
විමුක්ති සංජය පෙරේරා - බදුල්ල
COMMENTS