නව විදෙස් ඇමති තිලක් මාරපන

ජනාධිපති නීතීඥයකු වන තිලක් මාරපන හිටපු නීතිපති වරයකු ද වෙයි. 2001 වසරේ පිහිට වූ එක්සත් ජාතික පක්ෂ රජයෙහි ආරක්ෂක අමාත්‍යවරයා ලෙස කටයුතු...

ජනාධිපති නීතීඥයකු වන තිලක් මාරපන හිටපු නීතිපති වරයකු ද වෙයි. 2001 වසරේ පිහිට වූ එක්සත් ජාතික පක්ෂ රජයෙහි ආරක්ෂක අමාත්‍යවරයා ලෙස කටයුතු කළ මාරපන මහතා 2015 වසරේ පිහිටවූ වත්මන් රජයේ නීතිය හා සාමය පිළිබඳ අමාත්‍ය වරයා ලෙස ද කටයුතු කළේය. එහිදී ඇවන්ට් ගාඩ් සමාගම සම්බන්ධ නඩු විභාගයක කරුණක් හේතුවෙන් 2015 නොවැම්බර් මාසයේදී තනතුරෙන් ඉල්ලා අස් වූ ඒ මහතා පසුව 2017 මැයි මාසයේ දී අමාත්‍ය මණ්ඩලයේ සංවර්ධන කාර්ය භාර ඇමති ලෙස පත් කෙරිණි.

තිලක් මාරපන මහතාගේ මෙම පත් වීම හිටපු විදේශ අමාත්‍ය රවී කරුණානායක මහතාගේ ඉල්ලීමක් පරිදි සිදු වූවක් බවත් එහෙයින් රවී කරුණානායක අමාත්‍යවරයා යටතේ පැවති සියළුම ආයතන තිලක් මාරපන මහතා වෙත පැවරෙනු ඇති බවත් අභ්‍යන්තර ආරංචි මාර්ග සඳහන් කරයි.