මරණයට පෙර ඇය පීටර් මැඩ්සන් මුණ ගැසීමට ගොස් තිබෙන්නේ ඔහු සහ එම සබ්මැරීනය පිළිබඳ විශේෂාංග ලිපියක් ලිවීම පිණිස ය. බර ටොන් 40 ක් වන මෙම සබ...
මරණයට පෙර ඇය පීටර් මැඩ්සන් මුණ ගැසීමට ගොස් තිබෙන්නේ ඔහු සහ එම සබ්මැරීනය පිළිබඳ විශේෂාංග ලිපියක් ලිවීම පිණිස ය. බර ටොන් 40 ක් වන මෙම සබ්මැරීනය විශේෂිත එකකි. ඒ එය තනි අයෙකුට හිමි, ලෝකයේ එදාමෙදාතුර නිපදවුණු විශාලතම සබ්මැරීනයක් වශයෙන් සැලකුණු හෙයිනි.
මෙම මාධ්‍යවේදිනිය මැඩිසන්ගේ සබ්මැරීනය වෙත ගොස් තිබෙන්නේ පසුගිය අගෝස්තු 10 වැනිදා ය. ඉන් අනතුරුව ඇය පිළිබඳ කිසිදු ආරංචියක් ලැබුණේ නැත. සබ්මැරීනය ද දැකගන්නට ලැබුණේ නැත. පසුව ඩෙන්මාර්ක් නාවික හමුදාව සබ්මැරීනය සොයා සෝදිසි මෙහෙයුමක් දියත් කළ අතර, අගෝස්තු 11 වැනිදා ගිලී ගිය සබ්මැරීනයේ සිටි මැඩිසන් ව බේරාගන්නා ලදී.
ඇගේ අතුරුදන්වීමෙන් අනතුරුව මැඩිසන් ව අත්අඩංගුවට ගත් අතර ඔහුට චෝදනා කෙරුණේ කිම් ව මරණයට පත් කිරීම සඳහා හිතාමතාම සිය සබ්මැරීනය ගිල්වා දැමූ බවට ය. එම චෝදනා ප්‍රතික්ෂේප කරමින් මැඩිසන් මුලින් කියා සිටියේ තමන් විසින් මාධ්‍යවේදිනිය ව පෙරදින සන්ධ්‍යාවේ ගොඩබිමට ඇරලූ බව ය. සබ්මැරීනය ගොඩට ගත් පසුව ද ඈ පිළිබඳ කිසිදු ෂලකුණක් ලැබුණේ නැත. පසුව ඩෙන්මාර්ක් පොලිසිය වෙත මැඩිසන් කියන්නට ගත්තේ වෙනත් කතාවකි. සබ්මැරීනය ගැඹුරු මුහුදේදී අනතුරට ලක්වූ බවත් එහිදී මාධ්‍යවේදිනිය මිය ගිය බවත්” ඇයව මුහුදේම මිහිදන් කරනවා හැරෙන්නට තමන්ට කළ හැකි වෙනත් දෙයක් නොවූ බවත් ඔහු පැවසුවේය. කෝපන්හේගන්වලට නුදුරු මුහුදට ඇගේ මළ සිරුර දැමූ බව ද ඔහු තවදුරටත් කියා සිටියේය.
මැඩිසන්ගේ නීතීඥයන් කියා සිටින්නේ ඔහුව අත්අඩංගුවට ගැනීම අනුමත කරන නමුත් ඔහු විසින් අපරාධයක් කළේය යන්න ප්‍රතික්ෂේප කරන බවයි.
තිස් හැවිරිදි මෙම ඩැනිෂ් මාධ්‍යවේදිනිය උගන්ඩාව සහ හයිටි වැනි අප්‍රිකානු රාජ්‍යවල සිට විශේෂාංග ලිපි රචනා කරන්නියක ලෙස ලොව පුරා ප්‍රකටව සිටියාය. එක්සත් රාජධානියේ ගාඩියන් පුවත්පත සහ නිව්යෝක් ටයිම්ස්”ඇය සේවය කළ පුවත්පත් අතර වේ.
පරිවර්තනය: අමාලි ජයවීර
COMMENTS