පිරිමි ළමුන් ගැහැනු ළමුන්ට වඩා සියදිවි නසා ගැනීමේ අවදානම තුන් ගුණයකින් ඉහළට

මෙරට වාර්ෂිකව 3000 ක්‌ පමණ දෙනා සියදිවි නසා ගන්නා බව සෞඛ්‍ය සමීක්‍ෂණවලදී අනාවරණය වි ඇති බව සෞඛ්‍ය අමාත්‍යාංශයේ මානසික සෞඛ්‍ය අධ්‍යක්‍ෂ විශේ...

මෙරට වාර්ෂිකව 3000 ක්‌ පමණ දෙනා සියදිවි නසා ගන්නා බව සෞඛ්‍ය සමීක්‍ෂණවලදී අනාවරණය වි ඇති බව සෞඛ්‍ය අමාත්‍යාංශයේ මානසික සෞඛ්‍ය අධ්‍යක්‍ෂ විශේෂඥ වෛද්‍ය චිත්‍රමාලි ද සිල්වා මහත්මිය සදහන් කරනවා.

තරුණයන් සඳහා යොවුන් මිතුරු වෙබ් අඩවිය දියත් කිරීම නිමිත්තෙන් කොළඹ සෞඛ්‍ය අධ්‍යාපන කාර්යාංශයේ පැවැති මාධ්‍ය හමුවකදී අධ්‍යක්ෂකවරිය සදහන් කළේ මෙරට තරුණයන් ලක්‍ෂයක්‌ (100,000 ක්‌) ගත් විට 23.7 දෙනකු සියදිවි නසා ගන්නා බවයි.

පිරිමි ළමුන් ගැහැනු ළමුන්ට වඩා සියදිවි නසා ගැනීමේ අවදානම තුන් ගුණයකින් ඉහළ මට්‌ටමක පවතින අතර තරුණ ජනගහනයෙන් සියයට 20 ක්‌ තම ජීවිතවල කිසිදු වටිනාකමක්‌ නොමැතිය යන හැඟීමෙන් පසුවන බව චිත්‍රමාලි ද සිල්වා මහත්මිය පෙන්වා දෙනවා.

වයස අවුරුදු 15 - 24 වයස්‌ කාණ්‌ඩය තරුණ ජනගහනය සේ සැළකෙන අතර ඔවුන්ගෙන් නාගරික තරුණ පිරිස්‌ ගම්බද තරුණ පිරිස්‌වලට වඩා සියදිවි නසා ගැනීමේ වැඩි නැඹුරුවක්‌ දක්‌වන බව අනාවරණය වී තිබේ.