අවසන් වරට ඉන්දියාව ඉදිරියේ ඉනිමක පරාජයක් අත් කරගෙන ඇත්තේ 2009 වසරේදීය. තරගයේ මුලින් පන්දුවට පහරදුන් ඉන්දීය කණ්ඩායම කඩුලු 9 කට ලකුණු 6...
අවසන් වරට ඉන්දියාව ඉදිරියේ ඉනිමක පරාජයක් අත් කරගෙන ඇත්තේ 2009 වසරේදීය.
තරගයේ මුලින් පන්දුවට පහරදුන් ඉන්දීය කණ්ඩායම කඩුලු 9 කට ලකුණු 622 ක් ලබාගත් අතර පිළිතුරු ඉනිම ක්‍රීඩා කළ ශ්‍රී ලංකා පිතිකරුවන්ට ලබාගැනීමට හැකිවූයේ සියලුදෙනා දැවී ලකුණු 183 ක් පමණි. ලකුණු 439 ක් පිටුපසින් සිටිමින් නැවත් දෙවැනි ඉනිම ඇරඹූ ශ්‍රී ලංකා කණ්ඩායම ලකුණු 386 ක් තුළදී දවාගැනීම ඉන්දීය පන්දු යවන්නන් සමත් විය.
ඊයේ දිනය නිමාවන විට ශ්‍රී ලංකා කණ්ඩායම කඩුලු 2 ක් දැවී ලකුණු 209 ක් ලබාගෙන යම් ස්ථාවර තත්වයක සිටියද අද දිනයේදී එම ස්ථාවත්වය ආරක්ෂා කරගැනීමට ඔවුන්ට නොහැකි විය. ඊයේ දිනයේදී කුසල් මෙන්ඩිස් ලකුණු 110 කට දැවී ගිය අතර සාර්ථක වූ අනෙක් එකම පිතිකරුවා වූ දිමුත් කරුණාරත්න අද ලකුනු 141 ක් ලබා සිටියදී දැවී ගියේය. සෙසු කිසිදු පිතිකරුවෙකුට සාර්ථකවීමට අවස්ථාවක් නොලැබුණු අතර ප්‍රතිඵලය වූයේ දිනයක් ඉතිරිව තිබියදී තරගය අවසන්වීමයි.
පන්දු යැවීමේදී රවීන්ද්‍ර ජඩේජා කඩුලු 5 ක් දවාගත් අතර පළමු ඉනිමේදීද කඩුලු දෙකක් දවාගෙන පිතිකරුවෙකු ලෙස ද ලකුණු 70 ක් ලබාගත් නිසා ඔහු තරගයේ වීරයා සම්මානයට පාත්‍ර විය.
COMMENTS