Advertisements

Breaking News

දළඳා මාලිගාව හරිත කලාපයක් ලෙස නම්කරයි

දළඳා මාලිගාව හරිත කලාපයක් ලෙස නම්කරයි
ඒ සඳහා අවශ්‍ය මූලික කටයුතු දියවඩන නිලමේවරයා සමග සාකච්ඡා කළ බවත් අවශ්‍ය පහසුකම් සිය අමාත්‍යංශය යටතේ ලබාදීමට පියවර ගන්නා බව එහි මූලික අවස්ථාවට ඉකුත්දා (14) පෙරවරුවේ එක්වෙමින් ශ්‍රී දළදා මාලිගාවේදී පැවැති හමුවකදී අමාත්‍යවරයා මේ බව කීවේය.
 
මහනුවරට පැමිණි අමාත්‍ය ෆයිසර් මුස්තාෆා මහතා මල්වතු මහා විහාරයේදී එම පාර්ශවයේ මහා නායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල හිමියන් බැහැදුටු අතර අනතුරුව අස්ගිරි මහා විහාරයේදී මහා නායක අතිපූජ්‍ය වරකාගොඩ ඤාණරතන හිමිපාණන් වහන්සේ බැහැ දැක නව වැඩපිළිවෙල උන්වහන්සේ වෙත දැනුම් දුන්නේය.
 
හරිත පූජා භූමි සංකල්පයට මහා නායක හිමිපාණන් වහන්සේ ආශිවාද එක් කළ අතර එම වැඩපිළිවෙල අඛණ්ඩව නිසි අධීක්ෂණයක් යටතේ සිදුකිරීම වඩා උචිත වන බව මහා නායක හිමිපාණන් වහන්සේ කීවේය.
 
අනතුරුව මහනුවර ශ්‍රී දළදා මාලිගාව හරිත භූමියක් බවට පත් කිරීම සදහා අවශ්‍ය කටයුතු එහිදී සිදුවිය. ඒ අනුව සැදැහැවතුන්ට පොලිතීන් ප්ලාස්ටික් වැනි දෑ ශ්‍රී දළදා මාලිගා පරිශ්‍රයට රැගෙන ඒම තහනම් වන අතර ඒ වෙනුවෙන් ඔවුන් වෙත ස්වාභාවික අමුද්‍රව්‍ය යොදා සකස් කළ කූඩ ලබාදීම අමාත්‍යවරයා හා දියවඩන නිලමේවරයා අතින් සිදුවිය.
 
කැලි කසල මේ වන විට ප්‍රධාන ගැටලුවක් වී ඇත්තේ එය නිසි ලෙස කළමණාකරණය නොකරන නිසා වන බවත් ඉදිරියේදී පළාත් මට්ටමේ සිට ග්‍රාමීය මට්ටම දක්වා කැළිකසල කළමණාකරණය කිරීමේ දීපව්‍යාප්ත වැඩපිළිවෙලක් ක්‍රියාත්මක කරන බව අමාත්‍ය ෆයිසර් මුස්තාෆා මහතා සදහන් කළේය. 
 
පළාත් මට්ටමින් සෑම පළාතකම කොම්පෝස්ට් නිෂ්පාදනය කළ හැකි කැළිකසල කළමණාකරණය කිරීමේ මධ්‍යස්ථාන ආරම්භ කරන බව ද ග්‍රාමීය මට්ටමින් සුලු පරිමාණයේ කොම්පෝස්ට් නිෂ්පාදන අංගණ පිහිටුවන බව ද අමාත්‍යවරයා සදහන් කළේය.
 
ඩෙංගු මර්ධනය කිරීමට නම් සෑම නිවසක් මෙන්ම ආයතනයක් ද සක්‍රීයව දායක විය යුතුයි. ඇතැම් උසස් නිලධාරීන් ඒ සදහා අවස්ථා ලබා දෙන්නේ නැහැ. ඒ නිසා ඩෙංගු පරික්ෂාවේදී මදුරු කීටයන් එම ස්ථානවල සිටි බව තහවුරුවුවහොත් අදාල ආයතනයේ ප්‍රධානියාට එරෙහිව නීතිමය පියවර ගන්නවා. 
 
ඒ අනුව සුලු නිලධාරියෙකු නීතිය හමුවට ඉදිරිපත් කිරීමේ අවස්ථාව නව නීතිය අනුව මගහැරී යනවා. විදුහලක නම් එහි ප්‍රධානියා අනිවාර්යයෙන්ම නිතිය හමුවට ඉදිරිපත් විය යුතුයි. මේ කාර්යය සදහා ආදර්ශයක් වීමට මම ලබන සතියේ බදාදා මගේ අමාත්‍යංශය පරීක්ෂා කරන ලෙස සෞඛ්‍ය අංශවලට දැනුම් දුන්නා. යම් අයුරකින් ඩෙංගු මදුරු කිටයන් මගේ අමාත්‍යංශයේ සිටියහොත් අමාත්‍යංශ ලේකම්වරයා නීතිය හමුවට ඉදිරිපත් විය යුතු යැයි අමාත්‍ය ෆයිසර් මුස්තාෆා මහතා එහිදී පැවසීය.
 
දියවඩන නිලමේ ප්‍රදීප් නිලංග දෑල මහතා අදහස් දක්වමින් මහනුවර ශ්‍රී දළදා මාලිගාවේ දිනකට කැල කසල මෙට්‍රික් ටොන් තුනක් එකතුවන බව කීවේය. ශ්‍රී දන්ත ධාතූන් වහන්සේ වැද පුදා ගැනීමට පැමිණෙන සැදැහැවතුන් අද සිට පොලිතින් ප්ලාස්ටික් ආදිය රැගෙන ඒමෙන් වැළකිය යුතු යැයි ද ඒ මහතා සදහන් කළේය.
 
නුවර නදීක දයා බණ්ඩාර

No comments