2014 වසරේදී හිටපු ජනාධිපතිවරයා හම්බන්තොට වරාය චීනයට පැවරීම සඳහා කැබිනට් මණ්ඩලයේ අනුමැතිය ලබාගෙන තිබූ බවත් එහෙත් ජනාධිපතිවරණ පරාජය හේතුවෙන...
2014 වසරේදී හිටපු ජනාධිපතිවරයා හම්බන්තොට වරාය චීනයට පැවරීම සඳහා කැබිනට් මණ්ඩලයේ අනුමැතිය ලබාගෙන තිබූ බවත් එහෙත් ජනාධිපතිවරණ පරාජය හේතුවෙන් එය ක්‍රියාවට නැංවීමට අපොහොසත් වූ බවත් පවසයි. එම යෝජනාවට අදාල ගිවිසුම හා වත්මන් රජය යටතේ එකඟතාවයට පැමිණි ගිවිසුම අතර විශාල වෙනසක් තිබෙන බවත් වරායේ ආරක්ෂාව, පාලනය ලංකා රජය සතුව පවතින බවත් අජිත් පී. පෙරේරා මහතා අවධානරණය කරයි. එසේම ලාභයෙන් කොටසකට හිමිකම් කීමේ අයිතිය ද රටට තිබෙන බවයි ඔහු පවසන්නේ.
හම්බන්තොට වරාය චීනයට පැවරීමේ ගිවිසුම සම්බන්ධයෙන් දින පහක පාර්ලිමේන්තු විවාදයක් පැවැත්වීමට බලාපොරොත්තු වන බව පැවසූ නියෝජ්‍ය අමාත්‍යවරයා පෙන්වා දෙන්නේ හිටපු ජනාධිපතිවරයාගේ ගිවිසුම පිළිබඳව එහිදී සියලු කරුණු අනාවරණය කරන බවයි.
විදුලි බල නියෝජ්‍ය ඇමතිවරයා මෙම අදහස් පළකළේ බණ්ඩාගම ප්‍රදේශයේ පැවති උත්සවයක් අමතමිනි. එහිදී තවදුරටත් අදහස් දැක්වූ අජිත් පී. පෙරේරා මහතා,
'රජය අපහසුතාවයට පත්කිරීම සඳහා විවිධ වෘත්තීය සමිති දිගින් දිගටම වැඩවර්ජන පවත්වනවා. රටේ දෛනික කටයුතු අඩපන කිරීමට රජය කිසිවෙකුටත් අවස්ථාව ලබාදෙන්නේ නෑ. ඒ නිසා අසාධාරණ ලෙස වැඩවර්ජන සිදුකරන පුද්ගලයන්ට එරෙහිව නීතිය ක්රියාත්මක කරනවා.'
COMMENTS