රවී කරුණානායක මහතා මුදල් ඇමතිධූරයෙන් සමුගෙන විදේශ කටයුතු අමාත්‍යවරයා ලෙස දිවුරුම් දීමේදී ජාතික ලොතරැයි මණ්ඩලය හා සංවර්ධන ලොතරැයි මණ්ඩලය ඇ...
රවී කරුණානායක මහතා මුදල් ඇමතිධූරයෙන් සමුගෙන විදේශ කටයුතු අමාත්‍යවරයා ලෙස දිවුරුම් දීමේදී ජාතික ලොතරැයි මණ්ඩලය හා සංවර්ධන ලොතරැයි මණ්ඩලය ඇතුළු ආයතන කිහිපයක් ඉල්ලා සිටි අතර එ්වා ලබාදීමට අගමැතිවරයා කැමැත්ත පළකර තිබිණි. ඒ අනුව ජාතික ලොතරැයි මණ්ඩලය හා සංවර්ධන ලොතරැයි මණ්ඩලය විදේශ කටයුතු අමාත්‍යංශයට පවරමින් ගැසට් පත්‍රය නිකුත් කළ අතර ඒ ජනාධිපතිවරයාගේ ද අනුමැතිය සහිතවයි.
කෙසේ වෙතත් ක්‍රීඩා අමාත්‍යවරයා මේ විවේචනය කරන්නේ සිය පක්ෂයේ නායකයා මෙන්ම රටේ ද නායකයා වන ජනාධිපතිවරයාගේ අනුමැතිය සහිතව රජය ගත් තීන්දුවකි.
ක්‍රීඩා අමාත්‍යවරයා වැඩිදුරටත් පෙන්වා දෙන්නේ ජාතික ලොතරැයි මණ්ඩලය 1964 පටන් මුදල් අමාත්‍යංශය යටතේ පැවති බවයි.
කෙසේ වෙතත් මීට සති කිහිපයකට පෙර පසුගිය කැබිනට් තීරණ දැනුම් දීමේ මාධ්‍ය හමුවට පැමිණි ක්‍රීඩා අමාත්‍යවරයා මුදල් හා ජනමාධ්‍ය අමාත්‍යංශ එකතු කිරීම, උසස් අධ්‍යාපන හා මහාමාර්ග අමාත්‍යංශ එකතුකිරීම, සංවර්ධන කාර්යභාර නමින් නව අමාත්‍යංශයක් ඇතිකිරීම ආදිය සම්බන්ධයෙන් මාධ්‍යවේදීන් ඇසූ ප්‍රශ්නවලට පිලිතුර දෙමින් එම අමාත්‍යංශ සකස් කිරීම සාධාරණීකරණය කළේය.
COMMENTS