හෙට හවස වෙන් කරලා තියාගන්න.

අයහපත් කාළගුණයෙන් පීඩාවට පත්ව සිටින ජනතාවට සහ විදේශ ගතවී වෛද්‍ය ප්‍රතිකාර ලබන ගරු අග්‍රාමාත්‍ය රනිල් වික්‍රමසිංහ මහතාට සෙත් පතා ජාති, ආගම්...

අයහපත් කාළගුණයෙන් පීඩාවට පත්ව සිටින ජනතාවට සහ විදේශ ගතවී වෛද්‍ය ප්‍රතිකාර ලබන ගරු අග්‍රාමාත්‍ය රනිල් වික්‍රමසිංහ මහතාට සෙත් පතා ජාති, ආගම්, කුල හෝ පක්ෂ බේදයකින් තොරව බෝධි පූජා පිංකමක් පැවැත්වීම සඳහා තරුණ සමාජ ක්‍රියාකාරීන් පිරිසක් කටයුතු සූදානම් කර තිබේ. 

2017/06/03 වන දින එනම් හෙට දින හවස 4.00ට කැලණිය රජමහා විහාරයේදී මෙම බෝධි පූජා පිංකම පැවැත්වීමට කටයුතු සූදානම් කර තිබේ. 

පසුගිය සමය පුරාම විවිධ දේශපාලනික කණ්ඩායම් විසින් සිදුකරන ලද පොල් ගැසීම් සහ දේව කන්නලව් නිසා රටට සිදුවෙමින් තිබෙන හනිය වැලැක්වීම සඳහා තුනුරුවන්ගේ ආශිර්වාදය, කැළණි බෝ සමිදුන්ගේ ආශිර්වාදය සහ විභිෂණ දෙවියන්ගේ ආශිර්වාදය ලබා ගැනීම මෙම බෝධි පූජා පිංකමේ අරමුණ වී ඇත. 

සියලූම රටවැසියන්ට සහ අගමැතිතුමන්ට සෙත් පතා පැවැත්වෙන මෙම බෝධිපූජා පිංකමට සහභාගී වන ලෙස සංවිධායක මණ්ඩලය ජාති, ආගම් හෝ පක්ෂ බේදයකින් තොරව සියලු දෙනාගෙන් ඉල්ලා සිටියි.

සංවිධානය - භාරත ප්‍රභාෂණ තෙන්නකෝන්  (0777 110 732) 
                            ෂේන් මහේන්ද්‍ර ප්‍රියවික්‍රම (071 933 6444)