කඳුකර ජනතාවට සැබෑ ලෙස සේවය කරන්නේ දමිල ප්‍රගතිශීලි සංධානයයි -අමාත්‍ය පී. තිගාම්බරම්

එහිදි රැස්වීමට පැමිණි සිටි පිරිස ඇමතූ අමාත්‍යවරයා කියා සිටියේ මීට පෙර වතුකරයේ සිටි නායකයින්ට වඩා තමා ඔවුනට කැපවී සේවය කරන බවයි. රැස්වීමට ...

එහිදි රැස්වීමට පැමිණි සිටි පිරිස ඇමතූ අමාත්‍යවරයා කියා සිටියේ මීට පෙර වතුකරයේ සිටි නායකයින්ට වඩා තමා ඔවුනට කැපවී සේවය කරන බවයි. රැස්වීමට පැමිණ සිටින ජනතාව දෙස බැලීමෙන් එය ඔප්පුවන බවද ඔහු පැවසීය. 

 

ඉස්සර මත්පැන්, කෑම දීලා තමයි වතුකරයේ හිටිය නායකයෝ මැයි දින රැස්වීම්වලට ජනතාව ගෙන්න ගන්නෙ. ඒත් මේ ජනතාව කැමැත්තෙන් ඇවිත් ඉන්නේ. ඒ නිසා මම ඔවුනට ස්තූතිකරනවා. ඉස්සර වතුකරයේ හිටිය ඇමතිවරු ඡන්දය ගන්න අවුරුදු 5 කට සැරයක් තමයි ජනතාව ලගට එන්නේ. ඒත් මම එහෙම නෙමෙයි. මම හැමදාම ඉන්නෙ වතුකරයේ ජනතාව එක්ක. 

 

මම විතරක් නෙමෙයි මනෝ ගනේෂන් හා රාධාක්‍රිෂ්ණන් ඇමතිවරුත් වතුකරයේ ජනතාවට විශාල සේවයක් ඉටුකරනවා. මම වතුකරයේ ජනතාවගේ ජීවන තත්වය වෙනස් කරනවා. පර්චස් 7ක නිරවුල් ඔප්පු සමග ලස්සන නිවසක් මේ ජනතාවට ලබාදෙන්න මට පුළුවන් වුනා. 

 

දමිල ප්‍රගතිශීලි සංධානය කැඩෙනකන් සමහරු බලන් ඉන්නවා. ඒත් එහෙම වෙන්නේ නෑ. අගමැතිතුමයි ජනාධිපතිතුමයි අපි තුන්දෙනා ගැන ලොකු විශ්වාසයක් තියලා තියෙන්නේ. අපි ඒ විශ්වාසය රැකගෙන මේ අපේ ජනතාවට කැපවී සේවය කරන බවද අමාත්‍ය පී. තිගාම්බරම් මහතා මෙහිදී පැවසීය.