ගංවතුර මැද්දේ පතුල්පාන ‘ගමේ කඩේ’ අමානුෂික සත්ව ඝාතනයක් (Video)

මුළු රටම ආපදාවට ලක්වී ඇති මෙහොතක, මහ වැස්සෙන් බේරීමට රත්නපුර, පතුල්පාන ප්‍රදේශයේ. ‘ගමේ කඩේ’ හෝටලයට පැමිණි සුනඛයකුට එම හෝටලයේ සේවකයකුට යකඩ ...

මුළු රටම ආපදාවට ලක්වී ඇති මෙහොතක, මහ වැස්සෙන් බේරීමට රත්නපුර, පතුල්පාන ප්‍රදේශයේ. ‘ගමේ කඩේ’ හෝටලයට පැමිණි සුනඛයකුට එම හෝටලයේ සේවකයකුට යකඩ පොලුපහරදී මරා දැමීමේ අවාසනාවන්ත සිද්ධියක් වාර්තා වේ.

කෙසේවුවද, අදාළ හෝටලයේ පරිසි මේ ඝාතනය ප්‍රතික්ෂේක කරන බවත් ඔවුන් “ඌ පිස්සු බල්ලෙක්. . . අපි නෙවෙයි මැරුවේ” ඇසින් දුටු සාක්ෂිවලට පවා වැලි ගැසීමට උත්සාහ කරමින් සිටින බවද පැවසේ.

සිද්ධිය වූ ස්ථානයේ එම අවස්ථාවේ ආහාර ගනිමින් සිටි පිරිසක් සිදුවීමත් සමග ඉන් පිටව ගොස් ඇති අතර පිරිසක් මේ සිදුවීම සම්බන්ධයෙන් විරෝධය දක්වා තිබේ.

එසේ විරෝධය දැක්වූ පිරිසට පතුල්පාන ‘ගමේ කඩේ’ සේවකයකු තර්ජනය කර ඇති අතර සිදුවීම සම්බන්ධ සම්පූර්ණ වීඩියෝ දර්ශන පහත දැක්වේ.

සිද්ධිය සම්බන්ධයෙන් “Animal Welfare Coalition AWC – Sri Lanka” මේ සිදුවීම සම්බන්ධයෙන් සිය ෆේස්බුක් පිටුවේ තබා ඇති සටහන මෙසේය.

ගංවතුර මැද්දේ රත්නපුරෙන් තවත් අමානුෂික සත්ව ඝාතනයක්! 

මුළු රටම ආපදාවට ලක්වෙලා තියෙන වෙලාවක, මහ වැස්සට තෙමෙනවට බයේ කඩේකට ගොඩ වුණු අසරණ සතෙක්ව අමානුෂික විදියට ඝාතනය කරලා. මේ සිදුවීම වාර්තා වෙන්නේ රත්නපුර, පතුල්පාන ප්‍රදේශයෙන්.

සිද්ධිය සැකෙවින්:

“මේ අද (දිනය) වුණු සිද්ධියක් රත්නපුර, පතුල්පාන ප්‍රදේශයේ. ‘ගමේ කඩේ’ කියන හෝටලයේ මිනිස්සු 10ක් විතර කෑම කන වෙලාවේ මේ මනුස්සයා මේ බල්ලට යකඩ පොල්ලකින් ගහලා මැරුවා. කෑම කමින් හිටපු මිනිස්සූ ඒ කෑම එක දාලා යන්න ගියා. . . “

අප විසින් මෙම ස්ථානය මේ වන විට හඳුනාගෙන ඇති අතර, අප කළ විමසීමකදී ඔවුන් සුපුරුදු පරිදිම මේ වරද ප්‍රතික්ෂේප කරමින් පවසන්නේ; “ඌ පිස්සු බල්ලෙක්. . . අපි නෙවෙයි මැරුවේ” යනුවෙන්. නමුත් ඇසින් දුටු සාක්ෂි කියන්නේ වෙනත් කතාවක්.

සුනඛයෙක් මැරුවාම කියන්න තියෙන ලේසිම බොරුව “ජලභීතිකාව” (Rabies) කියන එක. මේ බොරුව පරද්දන්න, නීතිය ක්‍රියාත්මක කරන්න අපිට ඔබේ සහාය අත්‍යවශ්‍යයි!

පන්නිපිටිය විද්‍යාල හන්දියේ ඝාතනය කළ “බ්ලැකී” වෙනුවෙන් අපිට යුක්තිය ඉටු කරගන්න පුළුවන් වුණේ ගම්වාසීන් එකතු වෙලා සාක්ෂි ගොනු කිරීම සහ පොලිස් පැමිණිල්ලක් කිරීම හරියටම සිද්ධ කරපු නිසා. ඒ සාක්ෂි අනුව නීතිඥතුමිය කරුණු දැක්වූයේ එම සාක්ෂි සහ කරුණු පදනම්ව. ඒ නිසා රත්නපුරේ මේ සත්සයා වෙනුවෙන් අපිට පහත දේවල් වලට ඔබේ සහාය ඕනෑ:

ඔබට කරන්න පුළුවන් උදව්:

 * ඇසින් දුටු සාක්ෂි: මෙම සිදුවීම ඇසින් දුටු හෝ මෙය වීඩියෝ කළ අය සිටී නම් වහාම අප හා Whatsapp ඔස්සේ සම්බන්ධ වෙන්න. 

Whatsapp: (071) 915 9992

 * පශ්චාත් මරණ පරීක්ෂණය (Post-mortem): නීතිය ඉදිරියට යන්න නම් සතාගේ සිරුර මුදවාගෙන පශු වෛද්‍ය රෝහලක් හරහා පශ්චාත් මරණ පරීක්ෂණයක් කළ යුතුමයි. ඒ සඳහා එම ප්‍රදේශයේ සහාය විය හැකි අය අපට කතා කරන්න.

 * ජලභීතීකා පරීක්ෂාව (MRI Report): ඔවුන්ගේ “පිස්සු බලු” තර්කය බිඳ දැමීමට නම්, ප්‍රදේශයේ PHI මහතා හරහා සතාගේ හිස කොටස MRI පරීක්ෂණයකට යොමු කළ යුතුයි. මේ කටයුත්ත සම්බන්ධීකරණය කරගන්න අපිට ප්‍රදේශයේ අයගේ සහාය අවශ්‍යයි.

මිනිස්සු කෑම කන වෙලාවක මෙවන් අමානුෂික දේවල් කරන තැන් වර්ජනය කරන්න. මේ ගැන නොදන්න අයට දැනුවත් වෙන්න මේ පණිවිඩය Share කරන්න.

අපි එකතු වෙලා මේ අසරණයාට යුක්තිය ඉටු කරමු.

📞 විමසීම් සහ තොරතුරු:

Whatsapp: (071) 915 9992

විඩියෝ අනුග්‍රහය – ගිහාන් ධනුෂ්ක 

(සාමාජික) Animal Welfare Coalition