යහපාලන රජයේ ඇමතිවරයෙක් සූර්ය විදුලිබල ව්යාපෘතියකට අනුමැතිය දෙන බව පවසා මෙරට ප්රමුඛ ව්යාපාරිකයකුගෙන් රුපියල් කෝටි 50 ක මුදලක් ලබාගෙන ඇත...
යහපාලන රජයේ ඇමතිවරයෙක් සූර්ය විදුලිබල ව්යාපෘතියකට අනුමැතිය දෙන බව පවසා මෙරට ප්රමුඛ ව්යාපාරිකයකුගෙන් රුපියල් කෝටි 50 ක මුදලක් ලබාගෙන ඇතැයි ලංකා විදුලිබල මණ්ඩලයේ සභාපති, ඉංජිනේරු විජිත හේරත් මහතා පැවසීය.
එම ව්යාපාරිකයා පෙරේදා (23) පෙරවරුවේ තමන් හමුවී එම ඇමතිවරයාගේ අනුගාමිකයකුට තමන් එම මුදල ලබාදුන්නේයැයි පැවසූ බව ද සභාපතිවරයා සඳහන් කළේය.
එසේ මුදල් ලබාගැනීම මෙන්ම ලබාදීමද නීතියට අනුව වරදක් නිසා අදාළ ව්යාපාරිකයා මේ සම්බන්ධයෙන් නීතිය හමුවටයාමට අකමැති බව ද විජිත හේරත් මහතා කීවේය.
සභාපතිවරයා මේ බව පැවසුවේ කොළඹ පිහිටි ඛනිජ තෙල් සම්පත් අමාත්යාංශයේදී ඊයේ (24) පැවති මාධ්ය හමුවක් අමතමිනි.
එම දේශපාලනඥයා සාධාරණය ගැන කතා කරමින් සෙසු නිලධාරීන් විවේචනය කරන අයකු යැයි ද විජිත හේරත් මහතා කීවේය.
මීට අමතරව පසුගිය රජය සමයේම ස්වභාවික වායු බලාගාර ව්යාපෘතියක් වෙනුවෙන් අඩුම ලංසුව ඉදිරිපත් කර තිබූ දේශීය සමාගමට (එල්.ටී.එල් සමාගම) එම ව්යාපෘතිය ලබානොදී දෙවැනියට අඩුම ලංසුව ඉදිරිපත් කළ විදේශීය සමාගමට ලබා දී ඇතැයි කී සභාපතිවරයා ඊට එරෙහිව දේශීය සමාගම නඩු පැවරීම නිසා ව්යාපෘතිය වසර හතරක් පමාවීමෙන් විදුලිබල මණ්ඩලයට රුපියල් බිලියන ගණනක පාඩුවක් වූ බව ද සඳහන් කළේය.
එහිදීද තමන්ට ව්යාපෘතිය අහිමි වූයේ විදේශීය සමාගම මුදල් ලබාදුන් නිසා බවට දේශීය සමාගමෙන් චෝදනා එල්ල වූ බව සභාපතිවරයා කීවේය.
COMMENTS