Advertisements

Breaking News

එජාපයට මල පනී… ජනාධිපතිට දෝෂාභියෝගයක්..?

ජනාධිපති මෛත‍්‍රීපාල සිරිනේ මහතාට එරෙහිව දෝෂාභියෝගයක් ගෙනවිත් ඔහු බලයෙන් පහ කර දැමිය යුතු යයි එක්සත් ජාතික පක්‍ෂයේ පසු පෙල මන්ත‍්‍රීන් කිහිප දෙනෙකු ඊයේ පස්වරුවේ පාර්ලිමේන්තුවේදී සාකච්චා කර තිබේ.

මෙම අවස්ථාවට සම්බන්ධ වූ එජාප තරුණ ඇමතිවරයෙක් සදහන් කර ඇත්තේ ඒ සදහා කලබල නොවන ලෙසත් තවත් ටිකක් ඉවසා එවන් තීන්දුවකට යා යුතු බවයි. එජාප පාක්‍ෂිකයින්ගේ ඡන්දයෙන් පැමිණි ජනාධිපතිවරයා විසින් එජාපය ඉලක්ක කර දේශපාලන ප‍්‍රහාරයක් එල්ල කරමින් සිටින බවත් ගමේ එජාප පාක්‍ෂිකයින් දැන් ඔහුට දැඩිව විරෝධය පල කරන බවත් එහිදී එම මන්ත‍්‍රී පිරිස පෙන්වා දී තිබේ.

කෙසේ වෙතත් තව දුරටත් මෙවන් කටයුතු ඉවසා දරාගත නොයුතු බවත් අගමැතිවරයා හමු වී මේ සම්බන්දයෙන් ඉක්මන් තීරණයක් ගත යුතු බවත් මෙම පිරිස තව දුරටත් අදහස් හුවමාරු කරගෙන ඇත. මේ අතර එජාප හිතවාදී වෙබ් අඩවි සදහන් කරන්නේ ඊළගට බැදුම්කර චෝදනාව ඇමති මලික් සමරවික‍්‍රම, මහ ලේකම් කබීර් හෂීම් මෙන්ම අගමැති රනිල් වික‍්‍රමසිංහ කරාද පැමිණෙනු ඇති බවත් එවිට එජාපය ප‍්‍රමාද වැඩි වනු ඇති බවත්ය.

No comments