‘1956 දි බණ්ඩාරනායක මහතා තම පියා සමඟ එකතුව එක්සත් ජාතික පක්ෂය හැර ගොස් සඝ වෙද ගොවි ගුරු කම්කරු බලවේග හරහා ප්‍රගතිශීලි ජනතාවට නායකත්වය දෙමි...
‘බණ්ඩාරනායක මහතා ශ්‍රිලනිප ආණ්ඩුව යටතේ ත්‍රිකුණාමල සහ කටුණායක තිබු බ්‍රිතාන්‍යයේ හමුදා කදවුරු වහාම ඉවත් කොට වරාය ගුවන් තොටුපොළ ජනතාව සතු කරමින් ආරම්භ කල වැඩපිළිවෙළ අග්‍රාමාත්‍ය සිරිමා බණ්ඩාරනායක මැතිනිය සුද්දා සතුව තිබු අපේ ජාතික සම්පත් සියල්ලම මේ රටේ ජනතාවට මෙන්ම අනාගත පරම්පරාවට හිමිකර දුන්නා.
77 බිහිකළ එජාප ආණ්ඩුව පලවා හැරිමට එදා මහින්ද රාජපක්ෂ පාද යාත්‍රා, ජනඝෝසා ඇතුළු වැඩසටහන් මෙහෙයවමින් චන්ද්‍රිකා බණ්ඩාරනායක සමඟ නැවත ශ්‍රිලනිප ආණ්ඩුවක් පිහිටුවීමට කටයුතු කලත් ඇය විසින් එජාපයේ පුද්ගලිකරණය වැඩපිළිවෙළ තවත් ඉදිරියට ගෙන යමින් කොළඹ වරාය පර්යන්තයක් බදු දීම හරහා ශ්‍රි ලංකා රක්ෂණ සංස්ථාව ඇතුළු රාජ්‍ය ආයතන රාශියක් පෞද්ගලිකරණය කලා.
ඒත් මහින්ද රාජපක්ෂ ජනාධිපතිවරයා බලයට පැමිණ පෞද්ගලිකරණ වැඩපිළිවෙළ නවතා දැම්මා පමණක් නොව නැවත රක්ෂණ සංස්ථාවවැනි ආයතන ජනතාව සතු කලා, එදා සුද්දාගේ කාලයේ සිට අවශ්‍යයි කියා තීරණය කොට තිබු සේද මාවත ඔස්සේ වැටි තිබු හම්බන්තොට වරාය ඉදිකිරීම ආරම්භ කොට ජනතාවට බාර දුන්නා, එය මේ රටේ අද ජීවත්වන ජනතාවට පමණක් නොව මතු ඉපදෙන පරම්පරා ගනනාවකට උරුම ජාතික සම්පතක්.
ඒත් 2015 ජනවාරි 8 වෙනිදා එක්සත් ජාතික පක්ෂය විසින් ඔවුන්ගේ ප්‍රතිපත්ති ක්රියාත්මක කිරීමට මෛත්‍රීපාල සිරිසේන මහතා එජාපය ප්‍රමුඛව ඔවුන්ගේ ඡන්දය ලබාදි ජනාධිපතිවරයා ලෙස පත් කර ගත්තා.අපි එතුමාට ඡන්දය දුන්නේ නැහ, මම අහනවා මෙතන් ඉන්න අපේ ශ්‍රිලනිප පාක්ෂිකයින්ගෙන් ඔහුන් ඡන්දය දුන්නා ද කියලා, ඡන්දය දුන්නේත් නැහ. එහෙනම් එතුමාට ඡන්දය දුන්නේ බණ්ඩාරනායක ප්‍රතිපත්තිවලට විරුද්ධ උදවියයි. ඒ අනුව එතුමා විසින් හම්බන්තොට වරාය විකිණීම සාධාරණයි, මොකද එජාපයේ ජනාධිපතිවරයා එම පක්ෂයේ ප්‍රතිපත්ති ක්රියාත්මක කල යුතුයි.
ඒත් 2015 අගෝස්තු 18 වෙනිදා මහා මැතිවරණය සඳහා මහින්ද රාජපක්ෂ හිටපු ජනාධිපතිවරයා ප්‍රමුඛව ශ්‍රිලනිප රජයක් බිහිකොට බණ්ඩාරනායක ප්‍රතිපත්ති නැවත ක්රියාත්මක කිරිමට ජනතාව ඉදිරියට ගොස් ඡන්දය ලබාගෙන පාර්ලිමේන්තුව පැමිණ මන්ත්‍රීවරු රනිල් වික්‍රමසිංහ අගමැතිවරයා යටතේ ඇමතිකම් ලබාගෙන එජාපයේ ප්‍රතිපත්ති ක්රියාත්මක කිරිම සදාචාරත්මක නැහ.
අද රවි කරුණානයක හිටපු මුදල් අමාත්‍යවරයාට විරුද්ධව විශ්වාසභංග යෝජනාවක් පාර්ලිමේන්තුවේ ගෙන එන එක නෙවි මහින්ද රාජපක්ෂ මහතා සමඟ ඡන්දය ඉල්ලා පාර්ලිමේන්තුවට ගිය අය කල යුත්තේ, ඔහුන් වහාම තවත් ඔය ආණ්ඩුවේ නොසිට පොදු විපක්ෂයට පැමිණ එජාපයේ ආණ්ඩුවේ මැති ඇමතිකම් අත්හැරිමයි. එසේ නැතිව ඒ ආණ්ඩුව තුල සිටගෙන මුදල් ඇමතිට විරුද්ධව විශ්වාසභංගයක් ගෙන ඒම ජනතාව මුලා කිරිමකි එය බණ්ඩාරනායක ප්‍රතිපත්තිවලට එරෙහිව යෑම’ යයි චමල් රාජපක්ෂ හිටපු කතානායකවරයා වැඩි දුරටත් පැවසීය.
COMMENTS