විශේෂයෙන් ඩෙංගු රෝගය ව්යාප්තවීම හදිසි තත්ත්වයක් ලෙස සලකා කසළ ඉවත්කිරීමේ කටයුතු සඳහා හමුදාවේ සහය ලබාගැනීමට අපේක්ෂා කරන බවද හෙතෙම අවධාරණය...
විශේෂයෙන් ඩෙංගු රෝගය ව්යාප්තවීම හදිසි තත්ත්වයක් ලෙස සලකා කසළ ඉවත්කිරීමේ කටයුතු සඳහා හමුදාවේ සහය ලබාගැනීමට අපේක්ෂා කරන බවද හෙතෙම අවධාරණය කළේය. ඩෙංගු පරික්ෂාව සඳහා සෞඛ්ය නිලධාරීන් පැමිණි පසු ඇතැම් පුද්ගලයන්ගෙන් බලපෑම් එල්ලවන හෙයින් නිල ඇඳුමින් සිටින හමුදා නිලධාරීන්ද එම කාර්යයට දායක කර ගැනීමට තීරණය කළ බවයි අමාත්යවරයා සඳහන් කළේ.
පසුගිය දින වල ඇතිවූ ගං වතුර තත්ත්වය හේතුවෙන් ඉදිරියේදී ඩෙංගු අවධානම තවදුරටත් ඉහළ යා හැකි බැවින් ඩෙංගු මර්ධන ව්යාපෘතිය සඳහා හමුදා සහය ලබා ගැනීම පිළිබඳව හෙට දිනයේදී ජනාධිපතිවරයා සමඟ සාකච්ජා කරන බවද සේනාරත්න මහතා පැවසීය.
"ඩෙංගු රෝගය මර්දනය කිරීමේ වැඩපිළිවෙල සඳහා සෞඛ්ය සේවයට නව බඳවා ගැනීම් 412ක් බඳවා ගෙන තිබෙනවා.තවත් 1500ක් බඳවා ගැනීම සඳහා කැබිනට් අනුමැතිය ලබා ගෙන තිබෙනවා.ඩෙංගු රෝගය සඳහා වන ඖෂධ වල හිඟයක් නැහැ.එම ඖෂධ තායිලන්තයෙන් ගෙන්වා ගන්නේ රාජ්ය තාන්ත්රික සබඳතා මත."
තවදුරටත් අදහස් දක්වමින් අමාත්යවරයා සඳහන් කළේ මේ වන විට ඩෙංගු රෝගීන් 63984ක් වාර්තා වී ඇති බවත් ඉන් 200ක් පමණ මියගොස් ඇති බවත්ය.මේ අතර මේ වන විට ඩෙංගු රෝගය ජාතික ප්රශ්නයක් බවට පත්ව ඇති බවද හෙතෙම සඳහන් කළේය.
ඩෙංගු රෝගීන්ට පැරසිටමෝල් විශේෂයක් හැර වෙනත් වේදනා නාශක ලබා දීමෙන් වළකින ලෙසද එම මාධ්ය හමුවේදී අවධාරණය කෙරිණි.
එමෙන්ම පෞද්ගලික රෝහල්වල නේවාසික ගාස්තු,පරීක්ෂණ ගාස්තු ඇතුළු අයකිරීම් නියාමනය කිරීමේ සැලැස්මක් ඇති බවද රාජිත සේනාරත්න මහතා පැවසිය.ෆුල් බ්ලඩ් කවුන්ට් පරීක්ෂණයක ගාස්තුව රු.800-900ක් පමණ වන බවත්, එම ගාස්තුව රු.250ක් පමණ දක්වා අඩුකළ හැකි බවත්, ඩෙංගු රෝගය පරීක්ෂා කිරීම සඳහා සිදුකරන ඇන්ටිජෙන් පරීක්ෂණය රු.4000 ක් පමණ වන අවස්ථා වාර්තා වන බවත්, එය උපරිමය රු.1000ක් කළ හැකි බවත් අමාත්යවරයා පෙන්වා දුන්නේය. ඒ අනුව ඉදිරිකාලයේදී පෞද්ගලික රෝහල් ගාස්තු නියාමනය කිරීම පෞද්ගලික වෛද්ය ආයතන නියාමනය කිරීමේ පනත යටතේ පැවරී බලතල අනුව සිදුකරන බවයි අමාත්යවරයා කියා සිටියේ.
ආශිකා බ්රාහ්මණ
COMMENTS