සම්මාන උළෙල ශ්රී ලංකා පාර්ලිමේන්තුවේ කතානායක කරු ජයසූරිය මහතාගේ ප්රධානත්වයෙන් පැවැත්වුණු අතර මේ සඳහා සෙසු ආරාධිතයන් ලෙස සෞඛ්ය අමාත්ය ...
සම්මාන උළෙල ශ්රී ලංකා පාර්ලිමේන්තුවේ කතානායක කරු ජයසූරිය මහතාගේ ප්රධානත්වයෙන් පැවැත්වුණු අතර මේ සඳහා සෙසු ආරාධිතයන් ලෙස සෞඛ්ය අමාත්ය රාජිත සේනාරත්න මහතා, මැතිවරණ කොමිසමේ සභාපති මහින්ද දේශප්රිය මහතා ඇතුළු පිරිසක් එක්ව සිටියහ.
2016 වසරේ හොඳම සිංහල බ්ලොග් අඩවිය ලෙස රවී වීරසිංහගේ නිදහස් සිතුවිලි බ්ලොග් අඩවිය සම්මානයට පාත්රවූ අතර සම දෙවැනි ස්ථානය දිනාගැනීමට සොඳුරු සිත බ්ලොග් අඩවියේ වත්සලා උපමාලි සහ යාංහෑල්ල බ්ලොග් අඩවියේ සුරංග ලියනගේ සමත් විය. තෙවැනි ස්ථානය ඉකොනොමැට්ටාගේ බොජුන්හල බ්ලොග් අඩවියට හිමිවූ අතර වෛද්ය බෝධීනී සමරතුංගගේ අනිත් කොන බ්ලොග් අඩවියට සහ ට්රාන්සිල්වේනියා බ්ලොග් අඩවියට කුසලතා සම්මාන හිමිවිය.
2016 වසරේ හොඳම ඉංග්රීසි බ්ලොග් අඩවියට හිමි සම්මානය සුභා විජේසිරිවර්ධන දිනාගත් අතර හොඳම දෙමළ බ්ලොග් අවියට හිමි සම්මානය සුගා එලිසබෙත් බ්ලොග් අඩවියේ තංගරාජ් එළිසබෙත් දිනා ගත්තාය.
බ්ලොග් ක්ෂේත්රයේ ප්රවර්ධනය වෙනුවෙන් ජීවිතයේ එක්වරක් පමණක් හිමිකර ගත හැකි සම්මානය මෙවර අසමි, දකිමි, සොයමි විචාරක බ්ලොග් අවියේ ඩබ්.ජේ.එම්. ගුණරත්න මහතාට හිමිවිය.
මීට අමතරව තවත් අංශ 16 ක් සඳහා සම්මාන පිරිනැමිණි.
අන්නේම් තියටර් නාට්ය කණ්ඩායමේ ධර්මිෂ්ට සමාජයක් ගොඩනගමු කෙටි නාට්යය, සොක්රටීස් ඔපෙරා අංගය, ජනයි-ප්රියයි, අපි මචං සංගීත කණ්ඩායම සම්මාන උළෙල විචිත්රවත් කරමින් අංග කිහිපයකට එක්විය.
COMMENTS