මෙහිදී අදහස් දැක්වූ සෞඛ්ය අමාත්යවරයා - "වස විසෙන් තොර ආහාර වගා කිරීම පිළිඳව රතන හිමියන් පසුගිය රජය සමයේ දී ද අදහස් පළ කළත් පැවැති ...
මෙහිදී අදහස් දැක්වූ සෞඛ්ය අමාත්යවරයා - "වස විසෙන් තොර ආහාර වගා කිරීම පිළිඳව රතන හිමියන් පසුගිය රජය සමයේ දී ද අදහස් පළ කළත් පැවැති රජය එයට එකඟ වුයේ නැහැ. එම රජයේ පාලකයින්ට දැක්මක් තිබුනේ නැහැ. පොත පතේ තිබූ දේවල් පමණයි ඉටු කළේ''
"පසුගිය රජයේ පොහොර සහනාධාරය නිසා මෙම භූමිය මෙන්ම ගොවි බිම් විනාශයට පත් වුනා. වස විෂ සහිත පොහොර ඉතාම අඩු මුදලකට ගෙනවිත් ගොවීන්ට බෙදා දුන්නා. මුදල විතරයි බැලුවේ. විෂ රසායනික ද්රව්ය එම පොහොරවල අඩංගු වී තිබුනා. වත්මන් රජය පොහොර සහනාධාරය නතර කළ පසු ලොකු විරෝධයක් මතු වුනා. ඇතැම් පක්ෂ රසායනික පොහොර ඉල්ලා ගොවීන් පාරට බැස්සුවා. නමුත් අද විනවිට ගොවීන් එය තේරුම්ගෙන රසායනික පොහොර ඉල්ලන්නේ නැහැ. කාබනික පොහොරවලට පුරුදු වෙනවා. වස විසෙන් තොර කෘෂිකාර්මික වැඩසටහන යටතේ අක්කර 55,000 ක් වගා කරනවා. වියළි කළාපයේ ගොවිතැන තෙත් කළාපයට ගෙනඒමත් එහි අරමුණක්. වසවිසෙන් තොර එළවලු සහ පළතුරු යුරෝපා රටවල හරිම ජනප්රියයි. පොහොර සහ කෘෂි රසායන ආනයනය කිරීම සදහා වසරකට රුපියල් බිලියන 80 ක් අවැය කරනවා. වස විසෙන් තොර එළවලු සහ පළතුරු ශ්රී ලංකාවේ නිෂ්පාදනය කර යුරෝපා වෙළෙද පොලට අපනයනය කිරීමෙන් එම මුදල අවම කර ගත හැකියි.”
මෙම අවස්ථාවට පාර්ලිමේන්තු මන්ත්රී අතුරලියේ රතන හිමෙ, පුජ්ය පාහියන්ගල ආනන්ද සාගර හිමි ප්රධාන මහා සංඝරත්නය, සෞඛ්ය අමාත්යතුමාගේ පෞද්ගලික ලේකම් විශේෂඥ වෛද්ය සුජාතා සේනාරත්න මහත්මිය, කළුතර දිස්ත්රීක් ලේකම් යු.ඩි.සී ජයලාල් මහතා, බස්නාහිර පළාත් සභා මන්ත්රි කීර්ති කාරියවසම් මහතා, ඇතුලු විශාල පිරිසක් එක්ව සිටියහ.
COMMENTS